Амматааҕы ойуур хаһаайыстыбатын салайааччыта Николай Иванов иһитиннэрэринэн, от ыйын 17 күнүн туругунан улуус үрдүнэн 3 ойуур баһаара баар. Баһаардары умуруорууга 250-тан тахса киһи үлэлиир, диэн «Амма олоҕо» хаһыат сырдатар.
“Уопсайа сезон саҕаланыаҕыттан 21 ойуур баһаара регистрацияланна. Тахсыбыт баһаардары умуруоран, бүгүҥҥү күҥҥэ уопсайа 7266 гаҕа 3 ойуур баһаардаахпыт. Ол курдук бу баһаардар барыта Покровскай ойуурун хаһаайыстыбата көрөр Амма Наахара нэһилиэгин территориятыгар умайаллар. Тахсыбыт биричиинэлэрэ кураанах этиҥ буолар.
Баһаардары умуруорууга 180 ойуур баһаарын умуорууга үлэлэһэр баһаарынайдар, 30 ЫКМБ байыастара, 11 доброволец уонна 24 нэһилиэктэртэн хомуллубут көмөҕө сылдьааччылар үлэлииллэр. Маны сэргэ 12 техника, АН-2, МИ-8 сөмөлүөт көмөҕө бааллар. Билэргит курдук, улууспутугар ыксаллаах быһыы-майгы эрэсиимэ уонна өрөспүүбүлүкэҕэ эмиэ ураты сэрэхтээх буолуу эрэсиимэ биллэриллэн турар. Онон тыаҕа тахсар булгуччу бобулларын санатабын. Манна шлагбаумнар тураллар, дьуһуунуйдар үлэлииллэр”, — диэн Николай Иванов сырдатта.
Также по теме:
В колымские районы Якутии направят дополнительные лесопожарные силы
Читайте нас в:
