Татьяна Сметанинаны кытта Чурапчы сиригэр өрөспүүбүлүкэтээҕи “Үрүҥ көмүс сынньалаҥ” бэтэрээннэр лааҕырдарыгар сынньана кэлэ сылдьарыгар түбэһэн кэпсэттибит. Аҕата Тимофей Сметанин кини сааһын туола илигинэ күн сириттэн күрэммит. Онон кини туһунан үтүө өйдөбүлү ийэтин уонна аймахтарын кэпсээннэриттэн истэн билэр. Тимофей Сметанин олоҕун салгыыр, аатын ааттатар түөрт сиэннээх, аҕыс хос сиэннээх, диэн «Саҥа олох» хаһыат иһитиннэрэр.
Татьяна Тимофеевна аҕата суруйбут “Мэхээлэчээн булчут” айымньытынан “Сахабэчээт” тэрилтэтэ уста сылдьар киинэтин туһунан билэр, долгуйа күүтэр уонна киинэни устааччыларга махтанар. Бу иннинэ тахсыбыт “Егор Чээрин” киинэни дьиэ кэргэнин кытта хаста да хатылаан көрбүттэрин, олус сөбүлээбиттэрин этэр. Онон “Мэхээлэчээн булчут” да киэҥ сэҥээриини ылыаҕар саарбахтаабат.
Кинини кытта интервьюбутун сиһилии видеоҕа көрүҥ.
Елена Макаринская
Читайте нас в:
