Көмө, Тирэх, Кыайыы

Рак курдук ынырык ыарыы аан дойдуга киэҥник тарҕанна. Биһиги Сахабыт сирин тумнуо баара дуо? Бары билэргит курдук, искэн ыарыыта олус элбээтэ. Кырачаан оҕолорбутун кытары тумнубат.

Ол эрээри хас даҕаны сыл аннараа өттүгэр бу диагноз киһиэхэ кытаанах бириигэбэр курдук иһиллэр буоллаҕына, кэлиҥҥи кэмҥэ ити ыарахан ыарыыны кыайааччы элбээтэ. Киһиэхэ ыарыыны кыайарыгар эми-тому таһынан, биллэн турар, өйөбүл, тирэх олус наада. “Праздник жизни” амарах санааланыы фондата өр кэмнэр усталара искэн ыарыылаах оҕолорго, кинилэр чугас дьонноругар көмө, бигэ тирэх буолбута уонна буолар.

Оҕо көмүскэлин күнүгэр Дьокуускайга «Сахамедиа» пресс-киинигэр бу амарах санааланыы фонда тэрийиитинэн ити олох кытаанах тургутуутун ааспыт, кыайбыт оҕолорго аналлаах истиҥ-иһирэх тэрээһин буолбута. Тэрээһини фонда волонтера, суруналыыс Катерина Григорьева салайан ыыппыта.

Кыайыылаахтар фестиваллара

Тэрээһиҥҥэ атырдьах ыйын 12 күнүгэр өрөспүүбүлүкэбитигэр аан бастаан искэн курдук ыарахан ыарыыны кыайбыт оҕолорго анаан «Кыайыылаахтар фестиваллара» ыытылларын туһунан иһитиннэрдилэр.

Бу бырайыагы «Праздник жизни” амарах санааланыы фондата уонна “Иэйэхсит” ийэ уонна оҕо киинин онкологическай отделениета толкуйдаабыттар. Фестиваль онкологическай отделение тэриллибитэ 25 сылыгар ананыаҕа. Тэрийээччилэр ыарахан ыарыыны кытта өр кэмҥэ турууласпыт уонна туруулаһа сылдьар оҕолорго дьиҥ-чахчы сүргэни көтөҕөр кэрэ бырааһынньык буолуоҕун туһунан иһитиннэрдилэр.

Өрөспүүбүлүкэтээҕи футболга анал оскуола дириэктэрэ Николай Цыпандин атырдьах ыйыгар ыытыллар фестивалга ханнык көрүҥнэр киирэллэрин билиһиннэрдэ, спорт министиэристибэтэ тустаах тэрээһини өйүүрүн туһунан эттэ. Николай фестиваль тэрээһинигэр ылсыыта мээнэҕэ буолбатах эбит. Ол курдук, чугас быраата бу ыарахан ыарыынан ыалдьыбыт уонна кыайбыт.

Москваҕа алта төгүл

Пандемия иннигэр маннык фестиваль дойдубут тэбэр сүрэҕэр Москваҕа алтата ыытыллыбыт эбит. Оҕолорбут ити фестивалларга кыттыыны ыланнар, ситиһиилэнэннэр, үөрэн-көтөн, этэргэ дылы, тутум үрдээн, инники олохторугар сырдык эрэл кыымын саҕан, Сахаларын сиригэр эргиллэллэрэ. Москваҕа ыытыллыбыт фестивалларга 60 оҕо уонна 60 төрөппүт кыттыыны ылбыт. Итиччэ элбэх оҕону уонна төрөппүтү Москваҕа тэрийэн ыытыы, биллэн турар, үгүс сыраны эрэйэр. Сэрэйбиккит курдук, манна барытыгар «Праздник жизни» фонда төһүүнэн буолбута.

Ил Түмэн депутата, бу үгүс кыһалҕалаах дьоҥҥо абырал буолар фонданы тэрийбит Алена Атласова оҕолор ити фестивалларга кытта баралларыгар «Якутия» авиахампаанньаҕа уонна «Металлторг» ХЭТ-кэ мэлдьи көмө буолбуттарыгар махталын биллэрбитэ.

Күндү ааҕааччым, коронавирус туох баар түмсүүнү тохтоппутун билэн-көрөн олороҕун. Бу уустук кэмҥэ ордук ытык кырдьаҕастарбыт, доруобуйалара мөлтөх дьоммут олус диэн муунтуйдулар. Онон итинник тэрээһин бэйэбит өрөспүүбүлүкэбитигэр ыытыллар буолбута олус үчүгэй.

Эминэн эрэ кыайбаккын

Онкологическай отделение сэбиэдиссэйин э.т. Саргылана Кондратьева норуоттар икки ардыларынааҕы боротокуоллар уонна федеральнай киини кытта ыкса ситимнээхтик үлэлээһин түмүгэр искэн ыарыыны эмтээһин ситиһиилээх буолбутун бэлиэтээтэ.

Ол гынан баран бу ыарыыны аҥаардас эминэн эрэ кыайбаккын. Чугас дьоннорун, уопсастыба сыһыана, өйөбүллэрэ, усулуобуйа эмиэ улахан оруолу оонньууллар. Биллэрин курдук, искэн ыарыыта олус өр эмтэниллэр. Ол иһин отделение үлэһиттэрэ уонна «Праздник жизни» амарах санааланыы фондата дьиэҕэ олорор курдук усулуобуйаны олохтуурга кыһаллаллар.

Отделениеҕа ас астыылларыгар, таҥас сууйтаралларыгар усулуобуйа барыта баар. Өрөспүүбүлүкэбитигэр онкология киинин туттарыыга илии баттааһын оҕолортон саҕаламмыта.

Аҥаардас «Күннээх куорат»

«Праздник жизни» амарах санааланыы фондатын ыытар үлэтин уруккуттан туораттан кэтээн көрөрүм. Бу фонда ылсыбыт дьыалалара далааһыннаахтара, туһалаахтара уонна түмүктээхтэрэ болҕомтобун тарпыта. Кини үлэтэ миигин эрэ буолуо дуо, элбэх киһини интэриэһиргэппитэ.

Амарах санааланыы фондата биир саамай бөдөҥ бырайыагынан “Иэйэхсит” ийэ уонна оҕо киинигэр тутуллубут “Күннээх куората” буолуохтаах. Мээнэ киһи санаата кыайбат бырайыага. Аҥаардас бу дьыаланан да, Алена Николаевна Атласоваҕа ытыктабыл үөскүүр.

Хайа баҕарар дьыаланы ылсарга туох эрэ биричиинэ баар буолар. Атласовтар дьиэ кэргэттэригэр алдьархай ааҥнаабыта. Оҕолоро онкологическай ыарыынан ыалдьыбыта биллибитэ. Москваҕа, Японияҕа илдьэн эмтэппиттэрэ. Ийэлээх-аҕа көмүс чыычаахтарын туһугар туох кыаллары барытын оҥоро сатаабыттара даҕаны… Ол эрээри тоҕус ыйдаах кырачаан уолчааннара күн сириттэн күрэммитэ. Оҕону сүтэрии баар, тугунан да кэмнэммэт алдьархай. Күн күбэй ийэ, амарах аҕа төһөлөөх көмүскэлэрин уута тохтубутун дьиэлэрин түөрт эркинэ эрэ билэн эрдэхтэрэ. Маннык олорор табыллыбатын ийэлээх-аҕа билэллэрэ уонна бэйэлэрин курдук кыһалҕаҕа киирбит дьоҥҥо көмөлөһөргө соруммуттара. Таҥара дьонунан үтүөнү оҥорор дииллэр. Бу кырачаан киһи чыпчылҕан кэриэтэ кылгас олоҕо — амарах дьыалаҕа далаһа буолбута.

— Уһуннук, сылы-сыллаан эмтэммит оҕо уопсастыбаттан тэйэн хаалар. Төттөрү төннөллөрүгэр үгүс ыарахаттары көрсөллөр. Онон маннык оҕолору сайыннарыахпытын баҕарабыт. “Күннээх куораты” тутарга санааны медицинскэй кииҥҥэ үлэлиир социальнай педагог сахпыта. Медицинскэй киин генеральнай дириэктэринэн үлэлээбит Валерий Петровка уонна педиатрическай киин дириэктэрэ Людмила Николаеваҕа бу дьыаланы өйөөбүттэригэр махталбыт муҥура суох. “Якутпроект” тэрилтэ бырайыагы босхо оҥорон биэрбитэ. Бу тутууга маллыын-саллыын 7 мөл. солк. ороскуоттаммыта, — диэн кэпсээн турардаах Алена Николаевна.

Үтүө тэрээһини өйдөөннөр, бу дьыала тула үгүс киһи түмсүбүтэ. Холобур, ааттаах-суоллаах худуоһунньукпут Афанасий Осипов дьиэ кэргэнинэн кэлэннэр эркини бүтүннүү ылар уруһуйу уруһуйдаабыттара. Кинилэр амарах санаалара иҥпит уруһуйдара үгүс оҕо санаатын өрө көтөҕөн, үрдүккэ кынаттыыр.

Ыарыһах санаата тууйуллара, муунту буолара ыарыыны өссө бэргэтиэн сөптөөх. Оттон “Күннээх куорат” төһөлөөх элбэх кырачааҥҥа ыарыыларын умуннаран, сырдыкка-кэрэҕэ тардыһыннаран, үтүөрэллэригэр күүс-көмө буолуо турдаҕа.

Сайыҥҥы лааҕыр уонна киинэ

Фонда ыарахан ыарыылаах оҕолорго сайыҥҥы лааҕыр тэрийэргэ быһаарыммыта. Аан бастаан 2007 сыллаахха «Булуус» лааҕырга доруобай оҕолору кытары 8 оҕо сылдьыбыта. Бу оҕолор ортолоругар төбөлөрүгэр искэннээх, эпэрээссийэлэммит 3 оҕо баара. Ыарыһах оҕоҕо лааҕыр туһатын манна сылдьан билбиттэрэ. Доруобай оҕолор эмиэ күүстээх иитиини ылаллара эмиэ көстүбүтэ.

Ол кэнниттэн 30 оҕону кытары 15 төрөппүтү хаппыттара. Уон сыл устата онкологическай ыарыылаах оҕолор лааҕырга сынньанан олус диэн абыраммыттара. Ол курдук, Сосновай Борга — 5, Амма Бөтүҥүгэр — 1, Булууска — 1, Геленджиккэ — 3 лааҕыр тэриллбитэ.

Хайа да лааҕырга кыайан сылдьар кыаҕа суох оҕолор төһөлөөх үөрбүттэрэ-көппүттэрэ, санаалара көтөҕүллүбүтэ буолуой? Төрөппүттэргэ психологическай трениннэр ыытыллыбыттара, оҕолор уйулҕаларыгар эмиэ көмө оҥоһуллубута. Лааҕыртан баралларыгар оҕо даҕаны, төрөппүт даҕаны олох атын дьон буолан төннүбүттэрэ.
Киинэ иитэр, өйү-санааны уларытар күүһүн, ама, ким мөккүһүө баарай? «Праздник жизни» фонда уонна «Перспектива» регионнааҕы уопсастыбаннай тэрилтэ кыттыһаннар доруобуйаларыгар хааччахтаах дьон олохторун көрдөрөр бастакы өрөспүүбүлүкэтээҕи киинэ фестивалын ыыппыттарын, ама ким умнуой? Күндү ааҕааччыларым итинтэн Дима Потапов туһунан «Күнү кытта сырсаары», Настя Диодорова туһунан «Кроша» уонна Виктория, Михаил Кондаковтар тустарынан «Биир күн» диэн киинэлэри күөх экранынан көрөн сэргээбит буолуохтааххыт. Ити фестивалга барыта 23 үлэ киирбитэ.

* * *
Ыарыһах оҕо уонна төрөппүт кыһалҕаларын кытта бэйэлэрэ эрэ хаалан хааллахтарына, рак курдук уодаһыннаах ыарыы кыайтарыыта олох кыччаан биэриэн эмиэ сөп. Ааттыын кэрэ «Праздник жизни» фонда төһөлөөх элбэх оҕоҕо салгыы толору олоҕу олороллоругар көмө, өйөбүл, бигэ тирэх буолбута буолуой? Пресс-кииҥҥэ ыытыллыбыт тэрээһиҥҥэ кэлэн кыттыыны ылбыт, рак курдук ыарахан ыарыыны кыайан, үөрэ-көтө олорор оҕолору, төрөппүттэри көрөн, киһи уйадыйбат буолуоҕун табыллыбат этэ. Көмө, тирэх баар буоллаҕына, салгыы да кыайыылар баар буолуохтара

Атырдьах ыйыгар буолуохтаах «Кыайыылаахтар фестиваллара» үрдүк таһымнаахтык ыытыллыаҕар саарбахтаабаппын.

Людмила НОГОВИЦЫНА


Также по теме:
В Якутске впервые пройдет благотворительный фестиваль для детей с онкологией

Читайте нас в:

Көмө, Тирэх, Кыайыы

Рак курдук ынырык ыарыы аан дойдуга киэҥник тарҕанна. Биһиги Сахабыт сирин тумнуо баара дуо? Бары билэргит курдук, искэн ыарыыта олус элбээтэ. Кырачаан оҕолорбутун кытары тумнубат.

Ол эрээри хас даҕаны сыл аннараа өттүгэр бу диагноз киһиэхэ кытаанах бириигэбэр курдук иһиллэр буоллаҕына, кэлиҥҥи кэмҥэ ити ыарахан ыарыыны кыайааччы элбээтэ. Киһиэхэ ыарыыны кыайарыгар эми-тому таһынан, биллэн турар, өйөбүл, тирэх олус наада. “Праздник жизни” амарах санааланыы фондата өр кэмнэр усталара искэн ыарыылаах оҕолорго, кинилэр чугас дьонноругар көмө, бигэ тирэх буолбута уонна буолар.

Оҕо көмүскэлин күнүгэр Дьокуускайга «Сахамедиа» пресс-киинигэр бу амарах санааланыы фонда тэрийиитинэн ити олох кытаанах тургутуутун ааспыт, кыайбыт оҕолорго аналлаах истиҥ-иһирэх тэрээһин буолбута. Тэрээһини фонда волонтера, суруналыыс Катерина Григорьева салайан ыыппыта.

Кыайыылаахтар фестиваллара

Тэрээһиҥҥэ атырдьах ыйын 12 күнүгэр өрөспүүбүлүкэбитигэр аан бастаан искэн курдук ыарахан ыарыыны кыайбыт оҕолорго анаан «Кыайыылаахтар фестиваллара» ыытылларын туһунан иһитиннэрдилэр.

Бу бырайыагы «Праздник жизни” амарах санааланыы фондата уонна “Иэйэхсит” ийэ уонна оҕо киинин онкологическай отделениета толкуйдаабыттар. Фестиваль онкологическай отделение тэриллибитэ 25 сылыгар ананыаҕа. Тэрийээччилэр ыарахан ыарыыны кытта өр кэмҥэ турууласпыт уонна туруулаһа сылдьар оҕолорго дьиҥ-чахчы сүргэни көтөҕөр кэрэ бырааһынньык буолуоҕун туһунан иһитиннэрдилэр.

Өрөспүүбүлүкэтээҕи футболга анал оскуола дириэктэрэ Николай Цыпандин атырдьах ыйыгар ыытыллар фестивалга ханнык көрүҥнэр киирэллэрин билиһиннэрдэ, спорт министиэристибэтэ тустаах тэрээһини өйүүрүн туһунан эттэ. Николай фестиваль тэрээһинигэр ылсыыта мээнэҕэ буолбатах эбит. Ол курдук, чугас быраата бу ыарахан ыарыынан ыалдьыбыт уонна кыайбыт.

Москваҕа алта төгүл

Пандемия иннигэр маннык фестиваль дойдубут тэбэр сүрэҕэр Москваҕа алтата ыытыллыбыт эбит. Оҕолорбут ити фестивалларга кыттыыны ыланнар, ситиһиилэнэннэр, үөрэн-көтөн, этэргэ дылы, тутум үрдээн, инники олохторугар сырдык эрэл кыымын саҕан, Сахаларын сиригэр эргиллэллэрэ. Москваҕа ыытыллыбыт фестивалларга 60 оҕо уонна 60 төрөппүт кыттыыны ылбыт. Итиччэ элбэх оҕону уонна төрөппүтү Москваҕа тэрийэн ыытыы, биллэн турар, үгүс сыраны эрэйэр. Сэрэйбиккит курдук, манна барытыгар «Праздник жизни» фонда төһүүнэн буолбута.

Ил Түмэн депутата, бу үгүс кыһалҕалаах дьоҥҥо абырал буолар фонданы тэрийбит Алена Атласова оҕолор ити фестивалларга кытта баралларыгар «Якутия» авиахампаанньаҕа уонна «Металлторг» ХЭТ-кэ мэлдьи көмө буолбуттарыгар махталын биллэрбитэ.

Күндү ааҕааччым, коронавирус туох баар түмсүүнү тохтоппутун билэн-көрөн олороҕун. Бу уустук кэмҥэ ордук ытык кырдьаҕастарбыт, доруобуйалара мөлтөх дьоммут олус диэн муунтуйдулар. Онон итинник тэрээһин бэйэбит өрөспүүбүлүкэбитигэр ыытыллар буолбута олус үчүгэй.

Эминэн эрэ кыайбаккын

Онкологическай отделение сэбиэдиссэйин э.т. Саргылана Кондратьева норуоттар икки ардыларынааҕы боротокуоллар уонна федеральнай киини кытта ыкса ситимнээхтик үлэлээһин түмүгэр искэн ыарыыны эмтээһин ситиһиилээх буолбутун бэлиэтээтэ.

Ол гынан баран бу ыарыыны аҥаардас эминэн эрэ кыайбаккын. Чугас дьоннорун, уопсастыба сыһыана, өйөбүллэрэ, усулуобуйа эмиэ улахан оруолу оонньууллар. Биллэрин курдук, искэн ыарыыта олус өр эмтэниллэр. Ол иһин отделение үлэһиттэрэ уонна «Праздник жизни» амарах санааланыы фондата дьиэҕэ олорор курдук усулуобуйаны олохтуурга кыһаллаллар.

Отделениеҕа ас астыылларыгар, таҥас сууйтаралларыгар усулуобуйа барыта баар. Өрөспүүбүлүкэбитигэр онкология киинин туттарыыга илии баттааһын оҕолортон саҕаламмыта.

Аҥаардас «Күннээх куорат»

«Праздник жизни» амарах санааланыы фондатын ыытар үлэтин уруккуттан туораттан кэтээн көрөрүм. Бу фонда ылсыбыт дьыалалара далааһыннаахтара, туһалаахтара уонна түмүктээхтэрэ болҕомтобун тарпыта. Кини үлэтэ миигин эрэ буолуо дуо, элбэх киһини интэриэһиргэппитэ.

Амарах санааланыы фондата биир саамай бөдөҥ бырайыагынан “Иэйэхсит” ийэ уонна оҕо киинигэр тутуллубут “Күннээх куората” буолуохтаах. Мээнэ киһи санаата кыайбат бырайыага. Аҥаардас бу дьыаланан да, Алена Николаевна Атласоваҕа ытыктабыл үөскүүр.

Хайа баҕарар дьыаланы ылсарга туох эрэ биричиинэ баар буолар. Атласовтар дьиэ кэргэттэригэр алдьархай ааҥнаабыта. Оҕолоро онкологическай ыарыынан ыалдьыбыта биллибитэ. Москваҕа, Японияҕа илдьэн эмтэппиттэрэ. Ийэлээх-аҕа көмүс чыычаахтарын туһугар туох кыаллары барытын оҥоро сатаабыттара даҕаны… Ол эрээри тоҕус ыйдаах кырачаан уолчааннара күн сириттэн күрэммитэ. Оҕону сүтэрии баар, тугунан да кэмнэммэт алдьархай. Күн күбэй ийэ, амарах аҕа төһөлөөх көмүскэлэрин уута тохтубутун дьиэлэрин түөрт эркинэ эрэ билэн эрдэхтэрэ. Маннык олорор табыллыбатын ийэлээх-аҕа билэллэрэ уонна бэйэлэрин курдук кыһалҕаҕа киирбит дьоҥҥо көмөлөһөргө соруммуттара. Таҥара дьонунан үтүөнү оҥорор дииллэр. Бу кырачаан киһи чыпчылҕан кэриэтэ кылгас олоҕо — амарах дьыалаҕа далаһа буолбута.

— Уһуннук, сылы-сыллаан эмтэммит оҕо уопсастыбаттан тэйэн хаалар. Төттөрү төннөллөрүгэр үгүс ыарахаттары көрсөллөр. Онон маннык оҕолору сайыннарыахпытын баҕарабыт. “Күннээх куораты” тутарга санааны медицинскэй кииҥҥэ үлэлиир социальнай педагог сахпыта. Медицинскэй киин генеральнай дириэктэринэн үлэлээбит Валерий Петровка уонна педиатрическай киин дириэктэрэ Людмила Николаеваҕа бу дьыаланы өйөөбүттэригэр махталбыт муҥура суох. “Якутпроект” тэрилтэ бырайыагы босхо оҥорон биэрбитэ. Бу тутууга маллыын-саллыын 7 мөл. солк. ороскуоттаммыта, — диэн кэпсээн турардаах Алена Николаевна.

Үтүө тэрээһини өйдөөннөр, бу дьыала тула үгүс киһи түмсүбүтэ. Холобур, ааттаах-суоллаах худуоһунньукпут Афанасий Осипов дьиэ кэргэнинэн кэлэннэр эркини бүтүннүү ылар уруһуйу уруһуйдаабыттара. Кинилэр амарах санаалара иҥпит уруһуйдара үгүс оҕо санаатын өрө көтөҕөн, үрдүккэ кынаттыыр.

Ыарыһах санаата тууйуллара, муунту буолара ыарыыны өссө бэргэтиэн сөптөөх. Оттон “Күннээх куорат” төһөлөөх элбэх кырачааҥҥа ыарыыларын умуннаран, сырдыкка-кэрэҕэ тардыһыннаран, үтүөрэллэригэр күүс-көмө буолуо турдаҕа.

Сайыҥҥы лааҕыр уонна киинэ

Фонда ыарахан ыарыылаах оҕолорго сайыҥҥы лааҕыр тэрийэргэ быһаарыммыта. Аан бастаан 2007 сыллаахха «Булуус» лааҕырга доруобай оҕолору кытары 8 оҕо сылдьыбыта. Бу оҕолор ортолоругар төбөлөрүгэр искэннээх, эпэрээссийэлэммит 3 оҕо баара. Ыарыһах оҕоҕо лааҕыр туһатын манна сылдьан билбиттэрэ. Доруобай оҕолор эмиэ күүстээх иитиини ылаллара эмиэ көстүбүтэ.

Ол кэнниттэн 30 оҕону кытары 15 төрөппүтү хаппыттара. Уон сыл устата онкологическай ыарыылаах оҕолор лааҕырга сынньанан олус диэн абыраммыттара. Ол курдук, Сосновай Борга — 5, Амма Бөтүҥүгэр — 1, Булууска — 1, Геленджиккэ — 3 лааҕыр тэриллбитэ.

Хайа да лааҕырга кыайан сылдьар кыаҕа суох оҕолор төһөлөөх үөрбүттэрэ-көппүттэрэ, санаалара көтөҕүллүбүтэ буолуой? Төрөппүттэргэ психологическай трениннэр ыытыллыбыттара, оҕолор уйулҕаларыгар эмиэ көмө оҥоһуллубута. Лааҕыртан баралларыгар оҕо даҕаны, төрөппүт даҕаны олох атын дьон буолан төннүбүттэрэ.
Киинэ иитэр, өйү-санааны уларытар күүһүн, ама, ким мөккүһүө баарай? «Праздник жизни» фонда уонна «Перспектива» регионнааҕы уопсастыбаннай тэрилтэ кыттыһаннар доруобуйаларыгар хааччахтаах дьон олохторун көрдөрөр бастакы өрөспүүбүлүкэтээҕи киинэ фестивалын ыыппыттарын, ама ким умнуой? Күндү ааҕааччыларым итинтэн Дима Потапов туһунан «Күнү кытта сырсаары», Настя Диодорова туһунан «Кроша» уонна Виктория, Михаил Кондаковтар тустарынан «Биир күн» диэн киинэлэри күөх экранынан көрөн сэргээбит буолуохтааххыт. Ити фестивалга барыта 23 үлэ киирбитэ.

* * *
Ыарыһах оҕо уонна төрөппүт кыһалҕаларын кытта бэйэлэрэ эрэ хаалан хааллахтарына, рак курдук уодаһыннаах ыарыы кыайтарыыта олох кыччаан биэриэн эмиэ сөп. Ааттыын кэрэ «Праздник жизни» фонда төһөлөөх элбэх оҕоҕо салгыы толору олоҕу олороллоругар көмө, өйөбүл, бигэ тирэх буолбута буолуой? Пресс-кииҥҥэ ыытыллыбыт тэрээһиҥҥэ кэлэн кыттыыны ылбыт, рак курдук ыарахан ыарыыны кыайан, үөрэ-көтө олорор оҕолору, төрөппүттэри көрөн, киһи уйадыйбат буолуоҕун табыллыбат этэ. Көмө, тирэх баар буоллаҕына, салгыы да кыайыылар баар буолуохтара

Атырдьах ыйыгар буолуохтаах «Кыайыылаахтар фестиваллара» үрдүк таһымнаахтык ыытыллыаҕар саарбахтаабаппын.

Людмила НОГОВИЦЫНА


Также по теме:
В Якутске впервые пройдет благотворительный фестиваль для детей с онкологией


Читайте дальше

Юмор ЧП Спорт СВО Разное Отдых Мир Культ