Саҥа ньыманы киллэрбит хирург

Өрөспүүбүлүкэҕэ биллэр талааннаах хирург Валерий Сергеевич Петрову отут сыл анараа өттүгэр аан маҥнай көрбүтүм. Кини сатабыллаах, имигэс илиилэринэн үөспэр эпэрээссийэ оҥорбута. Дьылҕа Хаан үрүҥ тыыммын өллөйдөөбүт үрүҥ халааттаах аанньалбын кытта иккиһин көрүһүннэрдэ. Бу сырыыга тус бэйэм ыарыы боппуруоһунан буолбакка, кини үлэтин-хамнаһын туһунан иҥэн-тоҥон ыйыталаһа, сырдата тиийбитим.

Балыыһаҕа батыһыннара сылдьара

Валерий Сергеевич 1949 сыллаахха Үөһээ Бүлүүгэ Бөтүрүөптэр дьиэ кэргэттэригэр төрөөбүтэ. Күн күбэй ийэтэ чороччу улаатан эрэр уолчааны балыыһаҕа батыһыннара сылдьара. Ол да иһин буолуо, Валерий эмчит идэтин талыан баҕарбыта. Бөтүрүөптэр уоллара алтыска үөрэнэр сылыгар дьоллоох Дьокуускай куоракка көһөн кэлбиттэрэ.
Валера 2-с нүөмэрдээх орто оскуоланы ситиһиилээхтик үөрэнэн бүтэрбитэ. Үгүһү билиэн-көрүөн, салгыы үөрэниэн баҕалаах уолчаан Саха государственнай университетыгар медико-лечебнэй факультекка үөрэнэ киирбитэ. Кини 1973 сыллаахха үрдүк үөрэх кыһатын бүтэрбитэ.

Киин куорат балыыһатыгар биэс сыл устата олус уустук хирург үлэтин уйанын-хатанын кытта билсибитэ. Ити кэнниттэн Валерий Сергеевич дойдубут тэбэр сүрэҕэр Москваҕа сүрэх-тымыр институтугар ординатураҕа үөрэммитэ. Кини киин сиргэ элбэххэ үөрэммитэ. Мантан салгыы кини Дьокуускай куорат балыыһаларын кылаабынай бырааһын солбуйааччынан, өрөспүүбүлүкэтээҕи балыыһа хирургическай отделениетын сэбиэдиссэйинэн үтүө суобастаахтык үлэлээбитэ.

Медицинскэй наука доктора Валерий Сергеевич 1992 сылтан медицинскэй киин эндоскопическай уонна абдоминальнай хирургиятын отделениетын сэбиэдиссэйинэн айымньылаахтык үлэлээбитэ. Ол кэнниттэн кини республикатааҕы суһал медицинскэй көмө киинин кылаабынай бырааһынан үлэлээбитэ. Өр сыллар усталара медицинскэй киини салайбыта.

Ханна усулуобуйа баар сиригэр

«Ханна усулуобуйа баар сиригэр, үлэ-хамнас күөстүү оргуйар» диэн сөпкө этэллэр. Биһиги боростуой тутуулаах балыыһаларбытыттан медицинскэй кииҥҥэ киирии, балаҕантан дыбарыаска үктэммиккэ тэҥнээҕэ. Үлэлииргэ-хамсыырга, үлэҕэ аймньылаахтык сыһыаннаһарга бары усулуобуйа баар. Өр сыллар усталара хирурдыы сылдьар Валерий Сергеевичтэн үлэтин-хамнаһын туһунан ыйыталаспытым.

— Валерий Сергеевич, эн өрөспүүбүлүкэҕэ маҥнайгынан, урукку курдук киһини скальпелынан улаханнык хайытан буолбакка, лапароскопическай ньыманан эпэрээссийэни оҥорбутуҥ. Бу ньымаҕа хайдах үөрэммитиҥ, баһылаабытыҥ туһунан кылгастык билиһиннэр эрэ.

— Научнай сурунааллары ааҕан, аан маҥнай лапароскопическай ньыма туһунан билсибитим. Онтон литературалары хасыһан, ити ньыманы илдьиритэн үөрэппитим. 1993 сыллаахха аан бастаан лапароскопиянан эпэрээссийэ оҥорбутум. Кылаабынайа саҕалаатын да үлэҥ түмүгэ көстөөччү. Итинтэн ылата лапароскопическай ньыманан эпэрээссийэлээһин салҕанан бара турбута.

— Оттон Россияҕа итинник ньыманан эпэрээссийэлээһини хаһааҥҥыттан саҕалаабыттарай?

— Россияҕа лапароскопическай ньыманан эпэрээссийэлээһини 1992 сылтан саҕалаабыттара. Онон биһиги биир эрэ сыл хаалыылаах, Россияны кытта тэҥҥэ кэриэтэ эпэрээссийэҕэ саҥа ньыманы туттубуппут. Манна даҕатан эттэххэ, үлэлээбэт буолбут бүөрү Россияҕа биир бастакынан, 1995 сыллаахха ылары ситиспиппит. Ити туһунан «Эндоскопическая хирургия» сурунаал төрдүс нүөмэригэр ахтыллыбыт этэ.

Чэпчэкитик аһарыналлар

— Лапароскопическай ньыманан эпэрээссийэлээһин урукку аһаҕас хирургияттан туох уратылааҕый?

— Аһаҕас хирургия диэн киһи этин 30-ча см хайытан, ыалдьар уорганыгар эпэрээссийэ оҥороҕун. Ыарыһах ыйы мэлдьи балыыһаҕа сытан эмтэнэр, бюллетеҥҥэ олорор. Оттон лапароскопическай ньыманан эпэрээссийэлээһиҥҥэ иккилии сиринэн 5 мм уонна 10 мм хайаҕас оҥорон, онно оптическай система киллэриллэн, мини видеокамеранан мониторга көрөн туран, эпэрээссийэ оҥоһуллар. Хайытыллыбыт сири көрөн туран үлэлиирдээҕэр мониторунан үлэлиир быдан ордук.

— Валерий Сергеевич, аһаҕас хирургияттан бу ньыма тугунан ордуктааҕый? Быһааран биэрбэккин ээ.

— Бу эпэрээссийэни ыарыһахтар олус чэпчэкитик аһарыналлар. Хайытыллар сирэ кыра буолан, түргэнник оһор. Ыарыһах үһүс сууккатыгар отделениеттан тахсар. Эпэрээссийэлэммитин кэнниттэн икки нэдиэлэ аастаҕына, үлэлиир кыахтаах буолар. Тас дойдуларга маннык эпэрээссийэ кэнниттэн ыарыһаҕы суукка буолаат, балыыһаттан таһаараллар. Тоҕо диэтэргин, кинилэргэ эмтэнии төлөбүрдээх.

Биһиги дьоммут итинниккэ үөрүйэҕэ суохтар. Биир күнүнэн отделениеттан таһаарар буоллар, улахан айдаан буолуох этэ. Бастаан утаа үһүс да сууккаларыгар тахсалларын сөбүлээбэттэрэ. Дьиҥинэн, туруктарынан хайа-баҕарар тахсар кыахтаахтар. Ыйы быһа лаҕыччы сытан эмтэнэр өй-санаа биһиги дьоммутугар иҥэн хаалбыт этэ. Билигин, дьэ үөрэнэн эрэллэр. Маннык ньыманан эпэрээссийэлээһиҥҥэ бааһа ириҥэрбэт, киһи өлүүтэ тахсыбат.

— Ханнык омук техникалара туттулларый?

— Бастакы эпэрээссийэлэри оҥорбут оборудованиебыт германскай этилэр. Онтон хааччылыы мөлтөх, үп-харчы көстүбэт буолан, техникалары хомуйан туруорбуппут. Германскай да, американскай да оборудованиелар бааллара. Билигин биһиэннэрэ, Казаннар, итинник техникалары оҥорор буолбуттара.

Саастаах эрэ дьон ыалдьыбат

— Валерий Сергеевич, ханнык уорганнарга маннык эпэрээссийэлэри оҥороллоруй?

— Үөскэ, тыҥаҕа, бүөргэ, быарга, тирии искэнигэр, ис тэһэҕэскэ (грыжаҕа), оһоҕоско, дьахтар уорганнарыгар лапароскопическай ньыманан эпэрээссийэлэри оҥоробут. Билигин хирурдар, бары ити саҥа ньыманы баһылаатылар.

Биһиги бастаан медицинскэй киин эндоскопическай уонна абдоминальнай хирургиятын отделениеҥа арҕааҥылыы ньыманан үлэбитин саҕалаабыппыт. Ыарыһах поликлиника кэнниттэн отделениеҕа киирдэ да, тута эпэрээссийэ оҥоһуллар гына.

— Эн салайбыт отделениеҕар лапароскопиянан бастакы сылларга ортотунан хас эпэрээссийэ оҥоһулларай?

— Ити ньыманы аан бастаан киллэрбит 1993 сылбытыгар 32, нөҥүө сылыгар 227, 1995 сылга — 370, 1996 с., — 560, 1997 с., — 750, 1998 с., — 730.

— Кэлиҥҥи кэмҥэ үөс тааһырыыта тоҕо наһаа элбээтэ?

— Сөпкө бэлиэтиигин. Урут бу ыарыынан саастаах эрэ дьон ыалдьар курдук буолаллара. Билигин эдэрдэргэ үөс тааһырыыта наһаа элбээтэ. Оҕолор кытта ыалдьар буоллулар. Иһэр уубут кириттэн-хаҕыттан, састааба уларыйбытыттан ыарыы элбээтэ. Итини таһынан улаханнык хамсаммат буоллубут.

— Валерий Сергеевич, лапароскопическай ньыма улуустарга бастаан хайдах быһыылаахтык киирбитэй? Ахтан аас эрэ.

— Бастаан лапароскопическай ньыманан эпэрээссийэлэри Нерюнгрига, Мирнэйгэ, Мэҥэ Хаҥалас уонна Нам улуустарыгар оҥорор буолбуттара. Ити эпэрээсийэни оҥорор медицинскэй оборудование сыаната наһаа ыарахан буолан, улуустарга бу ньыма бытааннык киирбитэ.

Киирэн биэриэ суохтаахпыт

— Валерий Сергеевич, салайар үлэлэргэ сылдьан, эпэрээсийэлэри оҥорор этигит, киһи өлүүлээх эпэрээссийэҕэ түбэспитиҥ дуо?

— Өлүүгэ-сүтүүгэ түбэһэн бөҕө буоллаҕа дии. Онкологическай ыарыылаахтар эпэрээссийэҕэ быстааччылар. Киһи төһөнөн элбэх эпэрээссийэни оҥорор да оччонон сайдан иһэр. Салайар үлэлэргэ сылдьан, син-биир эпэрээссийэ оҥорор этим. Практикабын быраҕан кэбиһиэхпин баҕарбатым. Уонна итинник эрэ үлэлээтэхпинэ, үлэм ис дьиҥин билэр буоллаҕым.

— Валерий Сергеевич, олохпутун уһатар дьону, эмчиттэри, медицинаны намтата тутуу баар суол. Итиннэ эн туох санаалаххыный?

— Эмчит уонна ыарыһах биир тылы буллахтарына эрэ, туох эмэ ситиһиллэр. Кырдьык, дьон-сэргэ эмчиттэри туохха да холообот буоллулар.

Америкалар Сэбиэскэй Союһу ыһан баран, аны Россияны ыһыахтаахпыт диэн сорук туруоруммуттара. Итини ситиһиллэригэр, биир хайысханан доруобуйа харыстабылын ыһарга холонуу буолбута. Онно киирэн биэриэ суохтаахпыт.

Ыарыһахтары көмүскүүр улахан уопсастыбаннай тэрилтэлэр бааллара. Кинилэр үгүстэрэ тас дойдулартан үбүлэнэн олорбуттара. Олор күөртүүллэрэ.

Дьиҥэ, быраас үлэтэ, киһини эмтээһин диэн — айар үлэ. Араас мэһэйдэртэн эдэр эмчиттэр олох хаа иһигэр сылдьар курдук буоллулар. Сокуоҥҥа, стандартка ыйыллыбыты эрэ оҥороллор. Кыайан аһыллан айымньылаахтык үлэлээбэттэр. Бу кыһалҕаны суох оҥоруу, элбэх сылы эрэйэрэ буолуо.

— Валерий Сергеевич, кэпсээниҥ иһин махтанабын.

* * *
Хирург Валерий Сергеевич Петров өрөспүүбүлүкэбитигэр медицинаҕа саҥа сүүрээни киллэрбит киһинэн буолар. Төһөлөөх үгүс киһи ааһан-араҕан биэрбэт ыарыыларын, харахтан сыыһы ылбыт курдук ылларынна, киниэхэ баһыыба-махтал тылларын эппиттэрэ буолуой?

Людмила НОГОВИЦЫНА


Өссө сэргээн ааҕыҥ:

Өрөспүүбүлүкэбитигэр аан бастакы бронзаттан пааматынньык академик Владимир Ларионовка кутуллубута


Читайте нас в:

Саҥа ньыманы киллэрбит хирург

Өрөспүүбүлүкэҕэ биллэр талааннаах хирург Валерий Сергеевич Петрову отут сыл анараа өттүгэр аан маҥнай көрбүтүм. Кини сатабыллаах, имигэс илиилэринэн үөспэр эпэрээссийэ оҥорбута. Дьылҕа Хаан үрүҥ тыыммын өллөйдөөбүт үрүҥ халааттаах аанньалбын кытта иккиһин көрүһүннэрдэ. Бу сырыыга тус бэйэм ыарыы боппуруоһунан буолбакка, кини үлэтин-хамнаһын туһунан иҥэн-тоҥон ыйыталаһа, сырдата тиийбитим.

Балыыһаҕа батыһыннара сылдьара

Валерий Сергеевич 1949 сыллаахха Үөһээ Бүлүүгэ Бөтүрүөптэр дьиэ кэргэттэригэр төрөөбүтэ. Күн күбэй ийэтэ чороччу улаатан эрэр уолчааны балыыһаҕа батыһыннара сылдьара. Ол да иһин буолуо, Валерий эмчит идэтин талыан баҕарбыта. Бөтүрүөптэр уоллара алтыска үөрэнэр сылыгар дьоллоох Дьокуускай куоракка көһөн кэлбиттэрэ.
Валера 2-с нүөмэрдээх орто оскуоланы ситиһиилээхтик үөрэнэн бүтэрбитэ. Үгүһү билиэн-көрүөн, салгыы үөрэниэн баҕалаах уолчаан Саха государственнай университетыгар медико-лечебнэй факультекка үөрэнэ киирбитэ. Кини 1973 сыллаахха үрдүк үөрэх кыһатын бүтэрбитэ.

Киин куорат балыыһатыгар биэс сыл устата олус уустук хирург үлэтин уйанын-хатанын кытта билсибитэ. Ити кэнниттэн Валерий Сергеевич дойдубут тэбэр сүрэҕэр Москваҕа сүрэх-тымыр институтугар ординатураҕа үөрэммитэ. Кини киин сиргэ элбэххэ үөрэммитэ. Мантан салгыы кини Дьокуускай куорат балыыһаларын кылаабынай бырааһын солбуйааччынан, өрөспүүбүлүкэтээҕи балыыһа хирургическай отделениетын сэбиэдиссэйинэн үтүө суобастаахтык үлэлээбитэ.

Медицинскэй наука доктора Валерий Сергеевич 1992 сылтан медицинскэй киин эндоскопическай уонна абдоминальнай хирургиятын отделениетын сэбиэдиссэйинэн айымньылаахтык үлэлээбитэ. Ол кэнниттэн кини республикатааҕы суһал медицинскэй көмө киинин кылаабынай бырааһынан үлэлээбитэ. Өр сыллар усталара медицинскэй киини салайбыта.

Ханна усулуобуйа баар сиригэр

«Ханна усулуобуйа баар сиригэр, үлэ-хамнас күөстүү оргуйар» диэн сөпкө этэллэр. Биһиги боростуой тутуулаах балыыһаларбытыттан медицинскэй кииҥҥэ киирии, балаҕантан дыбарыаска үктэммиккэ тэҥнээҕэ. Үлэлииргэ-хамсыырга, үлэҕэ аймньылаахтык сыһыаннаһарга бары усулуобуйа баар. Өр сыллар усталара хирурдыы сылдьар Валерий Сергеевичтэн үлэтин-хамнаһын туһунан ыйыталаспытым.

— Валерий Сергеевич, эн өрөспүүбүлүкэҕэ маҥнайгынан, урукку курдук киһини скальпелынан улаханнык хайытан буолбакка, лапароскопическай ньыманан эпэрээссийэни оҥорбутуҥ. Бу ньымаҕа хайдах үөрэммитиҥ, баһылаабытыҥ туһунан кылгастык билиһиннэр эрэ.

— Научнай сурунааллары ааҕан, аан маҥнай лапароскопическай ньыма туһунан билсибитим. Онтон литературалары хасыһан, ити ньыманы илдьиритэн үөрэппитим. 1993 сыллаахха аан бастаан лапароскопиянан эпэрээссийэ оҥорбутум. Кылаабынайа саҕалаатын да үлэҥ түмүгэ көстөөччү. Итинтэн ылата лапароскопическай ньыманан эпэрээссийэлээһин салҕанан бара турбута.

— Оттон Россияҕа итинник ньыманан эпэрээссийэлээһини хаһааҥҥыттан саҕалаабыттарай?

— Россияҕа лапароскопическай ньыманан эпэрээссийэлээһини 1992 сылтан саҕалаабыттара. Онон биһиги биир эрэ сыл хаалыылаах, Россияны кытта тэҥҥэ кэриэтэ эпэрээссийэҕэ саҥа ньыманы туттубуппут. Манна даҕатан эттэххэ, үлэлээбэт буолбут бүөрү Россияҕа биир бастакынан, 1995 сыллаахха ылары ситиспиппит. Ити туһунан «Эндоскопическая хирургия» сурунаал төрдүс нүөмэригэр ахтыллыбыт этэ.

Чэпчэкитик аһарыналлар

— Лапароскопическай ньыманан эпэрээссийэлээһин урукку аһаҕас хирургияттан туох уратылааҕый?

— Аһаҕас хирургия диэн киһи этин 30-ча см хайытан, ыалдьар уорганыгар эпэрээссийэ оҥороҕун. Ыарыһах ыйы мэлдьи балыыһаҕа сытан эмтэнэр, бюллетеҥҥэ олорор. Оттон лапароскопическай ньыманан эпэрээссийэлээһиҥҥэ иккилии сиринэн 5 мм уонна 10 мм хайаҕас оҥорон, онно оптическай система киллэриллэн, мини видеокамеранан мониторга көрөн туран, эпэрээссийэ оҥоһуллар. Хайытыллыбыт сири көрөн туран үлэлиирдээҕэр мониторунан үлэлиир быдан ордук.

— Валерий Сергеевич, аһаҕас хирургияттан бу ньыма тугунан ордуктааҕый? Быһааран биэрбэккин ээ.

— Бу эпэрээссийэни ыарыһахтар олус чэпчэкитик аһарыналлар. Хайытыллар сирэ кыра буолан, түргэнник оһор. Ыарыһах үһүс сууккатыгар отделениеттан тахсар. Эпэрээссийэлэммитин кэнниттэн икки нэдиэлэ аастаҕына, үлэлиир кыахтаах буолар. Тас дойдуларга маннык эпэрээссийэ кэнниттэн ыарыһаҕы суукка буолаат, балыыһаттан таһаараллар. Тоҕо диэтэргин, кинилэргэ эмтэнии төлөбүрдээх.

Биһиги дьоммут итинниккэ үөрүйэҕэ суохтар. Биир күнүнэн отделениеттан таһаарар буоллар, улахан айдаан буолуох этэ. Бастаан утаа үһүс да сууккаларыгар тахсалларын сөбүлээбэттэрэ. Дьиҥинэн, туруктарынан хайа-баҕарар тахсар кыахтаахтар. Ыйы быһа лаҕыччы сытан эмтэнэр өй-санаа биһиги дьоммутугар иҥэн хаалбыт этэ. Билигин, дьэ үөрэнэн эрэллэр. Маннык ньыманан эпэрээссийэлээһиҥҥэ бааһа ириҥэрбэт, киһи өлүүтэ тахсыбат.

— Ханнык омук техникалара туттулларый?

— Бастакы эпэрээссийэлэри оҥорбут оборудованиебыт германскай этилэр. Онтон хааччылыы мөлтөх, үп-харчы көстүбэт буолан, техникалары хомуйан туруорбуппут. Германскай да, американскай да оборудованиелар бааллара. Билигин биһиэннэрэ, Казаннар, итинник техникалары оҥорор буолбуттара.

Саастаах эрэ дьон ыалдьыбат

— Валерий Сергеевич, ханнык уорганнарга маннык эпэрээссийэлэри оҥороллоруй?

— Үөскэ, тыҥаҕа, бүөргэ, быарга, тирии искэнигэр, ис тэһэҕэскэ (грыжаҕа), оһоҕоско, дьахтар уорганнарыгар лапароскопическай ньыманан эпэрээссийэлэри оҥоробут. Билигин хирурдар, бары ити саҥа ньыманы баһылаатылар.

Биһиги бастаан медицинскэй киин эндоскопическай уонна абдоминальнай хирургиятын отделениеҥа арҕааҥылыы ньыманан үлэбитин саҕалаабыппыт. Ыарыһах поликлиника кэнниттэн отделениеҕа киирдэ да, тута эпэрээссийэ оҥоһуллар гына.

— Эн салайбыт отделениеҕар лапароскопиянан бастакы сылларга ортотунан хас эпэрээссийэ оҥоһулларай?

— Ити ньыманы аан бастаан киллэрбит 1993 сылбытыгар 32, нөҥүө сылыгар 227, 1995 сылга — 370, 1996 с., — 560, 1997 с., — 750, 1998 с., — 730.

— Кэлиҥҥи кэмҥэ үөс тааһырыыта тоҕо наһаа элбээтэ?

— Сөпкө бэлиэтиигин. Урут бу ыарыынан саастаах эрэ дьон ыалдьар курдук буолаллара. Билигин эдэрдэргэ үөс тааһырыыта наһаа элбээтэ. Оҕолор кытта ыалдьар буоллулар. Иһэр уубут кириттэн-хаҕыттан, састааба уларыйбытыттан ыарыы элбээтэ. Итини таһынан улаханнык хамсаммат буоллубут.

— Валерий Сергеевич, лапароскопическай ньыма улуустарга бастаан хайдах быһыылаахтык киирбитэй? Ахтан аас эрэ.

— Бастаан лапароскопическай ньыманан эпэрээссийэлэри Нерюнгрига, Мирнэйгэ, Мэҥэ Хаҥалас уонна Нам улуустарыгар оҥорор буолбуттара. Ити эпэрээсийэни оҥорор медицинскэй оборудование сыаната наһаа ыарахан буолан, улуустарга бу ньыма бытааннык киирбитэ.

Киирэн биэриэ суохтаахпыт

— Валерий Сергеевич, салайар үлэлэргэ сылдьан, эпэрээсийэлэри оҥорор этигит, киһи өлүүлээх эпэрээссийэҕэ түбэспитиҥ дуо?

— Өлүүгэ-сүтүүгэ түбэһэн бөҕө буоллаҕа дии. Онкологическай ыарыылаахтар эпэрээссийэҕэ быстааччылар. Киһи төһөнөн элбэх эпэрээссийэни оҥорор да оччонон сайдан иһэр. Салайар үлэлэргэ сылдьан, син-биир эпэрээссийэ оҥорор этим. Практикабын быраҕан кэбиһиэхпин баҕарбатым. Уонна итинник эрэ үлэлээтэхпинэ, үлэм ис дьиҥин билэр буоллаҕым.

— Валерий Сергеевич, олохпутун уһатар дьону, эмчиттэри, медицинаны намтата тутуу баар суол. Итиннэ эн туох санаалаххыный?

— Эмчит уонна ыарыһах биир тылы буллахтарына эрэ, туох эмэ ситиһиллэр. Кырдьык, дьон-сэргэ эмчиттэри туохха да холообот буоллулар.

Америкалар Сэбиэскэй Союһу ыһан баран, аны Россияны ыһыахтаахпыт диэн сорук туруоруммуттара. Итини ситиһиллэригэр, биир хайысханан доруобуйа харыстабылын ыһарга холонуу буолбута. Онно киирэн биэриэ суохтаахпыт.

Ыарыһахтары көмүскүүр улахан уопсастыбаннай тэрилтэлэр бааллара. Кинилэр үгүстэрэ тас дойдулартан үбүлэнэн олорбуттара. Олор күөртүүллэрэ.

Дьиҥэ, быраас үлэтэ, киһини эмтээһин диэн — айар үлэ. Араас мэһэйдэртэн эдэр эмчиттэр олох хаа иһигэр сылдьар курдук буоллулар. Сокуоҥҥа, стандартка ыйыллыбыты эрэ оҥороллор. Кыайан аһыллан айымньылаахтык үлэлээбэттэр. Бу кыһалҕаны суох оҥоруу, элбэх сылы эрэйэрэ буолуо.

— Валерий Сергеевич, кэпсээниҥ иһин махтанабын.

* * *
Хирург Валерий Сергеевич Петров өрөспүүбүлүкэбитигэр медицинаҕа саҥа сүүрээни киллэрбит киһинэн буолар. Төһөлөөх үгүс киһи ааһан-араҕан биэрбэт ыарыыларын, харахтан сыыһы ылбыт курдук ылларынна, киниэхэ баһыыба-махтал тылларын эппиттэрэ буолуой?

Людмила НОГОВИЦЫНА


Өссө сэргээн ааҕыҥ:

Өрөспүүбүлүкэбитигэр аан бастакы бронзаттан пааматынньык академик Владимир Ларионовка кутуллубута



Читайте дальше

Юмор ЧП Спорт СВО Отдых Обо всём Мир Культ