Дьокуускайга «Далбар Хотун» сурунаал саҥа киэптээх таһаарыытын үөрүүлээх быһыыга-майгыга билиһиннэрдилэр.  Саҥардыллыбыт сурунаалы бэлиэтиир дьоро киэһэҕэ «Далбар хотун» редакциятын үтүө доҕотторо — ааҕааччылар, блогердар, суруналыыстар, партнердар, спонсордар муһуннулар.

Бу киэһэ сурунаал биэс сыллааҕы үлэтин түмүгүнэн олохтоммут анал ааттары туттардылар. Ол курдук, «Далбар Хотун сэбэрэтэ», «Көмүс тарбах», «Сандалы Хотун» уонна «Дабайыы» диэн номинацияларга сурунаал араас геройдара тигистилэр. Анал ааты мантан ыла сыл ахсын туттарыахтара.

Маны тэҥэ ыалдьыттарга анаан сүүйүүлээх оонньууну, быыстапканы тэрийдилэр, сурутуу түмүгүнэн өйдөбүнньүк бэлэх туттардылар, мааны астаах сандалы тартылар, ырыа-тойук, оһуохай буолла.

Саҥа таһаарыы туох уратылааҕын, дьоро киэһэҕэ өссө туох бэлиэ түгэн буолбутун видеоҕа көр.

Текст: Елизавета Васильева.