Таатта улууһун Чөркөөх нэһилиэгэр уу таһыма ыам ыйын 29 күнүгэр эбиллэн, нэһилиэккэ ыксаллаах быһыы-майгы үөскээтэ. Бу туһунан «Таатта» хаһыат иһитиннэрэр.
Ол курдук Тааттатааҕы ЕДДС биллэрбитинэн, нэһилиэк иһинээҕи биэс муоста ууга устубут. 52 киһи, ол иһигэр 15 оҕо, 20 тиэргэн, нэһилиэк суола уонна сибээһэ суох хаалбыттар.
Бөөлүүн 12 чаастааҕы иһитиннэриигэ уу 50 см үрдээбит, билигин уу тохтоон турар эрээри 2 см эбиллибит. Нэһилиэккэ түөрт дьиэ, 77 тиэргэн ууга былдьаммыт. Кинилэр аймахтарынан көһөрүллүбүттэр. Нэһилиэнньэ иһэр уунан, эминэн-томунан, аһынан-үөлүнэн хааччыммыт. Дьону эвакуациялыырга 15 киһи, 3 техника, 1 мотуордаах оҥочо туһаныллар.
Ууну Чөркөөх аннынан Халымнаайы күөлүгэр 5 км тэйиччи бырахтараллар. Манна 7 киһи, 3 техника үлэлиир. «Мындайбан» уонна Ойуунускай уулуссаларыгар быһыты бөҕөргөтүүгэ күүстээх үлэ ыытыллар.
Елена Слепцова
Читайте нас в:
