Саха атын аан дойдуга аатырдыбыт удьуор сылгыһыт, экстремал айанньыт Дугуйдаан Винокуров Ил Дархан Айсен Николаевы иккис болдьоххо турунарын өйүүрүн биллэрдэ.
Кини Сахабыт сирин баһылыга бэҕэһээ дойдубут бэрэсидьиэнин кытта көрсүһүүтүгэр киэҥ ис хоһоонноох кэпсэтии тахсыбытын бэлиэтиир:
— Ил Дархаммыт Айсен Сергеевич, кырдьык, Сахабыт сирин сайдыытын туһугар, промышленность, тыа хаһаайыстыбата, үөрэх да өттүгэр элбэҕи ситиспитэ. Өссө бу Уһук Илин IT хайысхатыгар Саха сирэ инники кэккэҕэ сылдьар.
Чуолаан, тыа хаһаайыстыбатыгар Саха сирэ сылгы төбөтүн ахсаанынан Арассыыйаҕа инники миэстэҕэ сылдьар. Бу барыта, мин саныахпар, Айсен Сергеевич үлэтин көрдөрүүтэ буолар, — диир Дугуйдаан Семенович.
— Киниттэн да ордук киһибит суох быһыылаах. Сахатын сирин, Дьокуускайын туһугар долгуйара, улэлиирэ барыта көстөр. Кини иккис болдьоххо олорорун улаханнык өйүүбүн.
Айсен Сергеевич биһиги бастакы уонна иккис бырайыактарбытын билэн-көрөн истэн, үлэлэһэн өйөөбүтэ. Саханы саха дэтэр «Cаха ата” бырайыак олоххо киирбитэ, – махталын биллэрдэ Дугуйдаан Винокуров.
Читайте нас в:
