Сааскы ыһыы үлэтэ: “Амма”, “Хачыкаат” хаһаайыстыбалар аныгы кыахтаах тиэхиньикэнэн сэбилэннилэр

Тыа хаһаайыстыбатын оҥорон таһаарыыта тиэхиньикэттэн быһаччы тутулуктаах. Ордук чуолаан сир үлэтэ билиҥҥи сайдыылаах үйэҕэ саҥалыы сэбилэннэҕинэ эрэ үрдүк үүнүүгэ суоттаныахха сөп. Тыа хаһаайыстыбатын министиэристибэтин сир үлэтигэр, мэлирээссийэҕэ уонна матырыйаалынай-тэхиньиичэскэй хааччыйыыга департаменын салайааччыта Вячеслав Гаврильев иһитиннэрбитинэн, быйыл хаһаайыстыбалар лизиҥҥэ атыыласпыт 19 тиэхиньикэлэриттэн бэҕэһээ, ыам ыйын 24 күнүгэр, түөрдэ Саха сирин буоругар үктэннэ.

Өрөспүүбүлүкэ бурдук бааһыналаах хаһаайыстыбалара бу күннэргэ сааскы ыһыы үлэтин саҕалаатылар, – диир департамент салайааччыта. – Атыыласпыт тиэхиньикэлэрэ кинилэргэ сүрүн төһүү буолаллара саарбаҕа суох. Саҥа тиэхиньикэ сир үлэтин хас да түһүмэҕин биир хамсаныынан оҥорорго суоттаммыт буолан, уматыгы кэмчилииргэ, үлэ оҥорумтуотун үрдэтэргэ көмөлөөх. Сүрүннээн, ыһыы үлэтигэр аналлаах көрүҥнэрин урутаттыбыт. Онон, хаһаайыстыбалар тута туттан-туһанан барыахтара. Өссө “Хачыкаат” ТХПК-гэр анаммыт биир РСМ 2375 мааркалаах тыраахтар тиэйиллэн айаннаан иһэр, бу күннэргэ кэлиэҕэ. Онтон ураты тиэхиньикэ мантан сайын собуокка оҥоһуллан тахсан, атыыласпыт хаһаайыстыбаларга аны күһүн хомуур үлэтин үмүрүтэргэ көмөлөһүө”.

Аныгы кыахтаах тиэхиньикэнэн сэбилэнии дьаһала Ил Дархан уонна бырабыыталыстыба өйөбүллэринэн ыытыллар. Быйыл өрөспүүбүлүкэ 7 улууһуттан уонна Дьокуускайтан 15 хаһаайыстыба 19 тиэхиньикэни “Росагролизинг” АУо-тан чэпчэтиилээх бырагырааманан атыыласта. Тиэхиньикэ барыта 79 мөл. солкуобайга турар сыаналаах. Хаһаайыстыбалар бастакы усунуос төлөбүрүгэр уонна лизиҥҥэ сылларынан төлөһүүгэ көрсөр ороскуоттара, тиэхиньикэни тиэрдиини киллэрэн туран, өрөспүүбүлүкэ бүддьүөтүттэн 95 бырыһыаҥҥа диэри толуйуллуо.

Амма, Мэҥэ Хаҥалас, Чурапчы, Хаҥалас, Нам, Өлүөхүмэ, Уус Алдан улуустарын уонна Дьокуускай куорат хаһаайыстыбалара 6 тыраахтары (икки – РСМ 2375 мааркалаах, түөрт – МТЗ-1221 мааркалаах), 3 бурдук хомуйар “Вектор-410” комбайны, 2 хортуоппуй хомуйар АВР 5200 комбайны, 4 хортуоппуй хомуйар АВР 6200 комбайны, 1 хортуоппуй хомуйар ПКК-2-05 комбайны, 2 ыһыы үлэтигэр туттуллар булкаас тииптээх SH-8200/АТ-8 комплексы уонна БДТ-7,62 “Звезда” барананы атыыласпыттар.

Итилэртэн биир РСМ 2375 тыраахтар “Амма” ХЭУо-ҕа, икки SH-8200/АТ-8 комплекс “Амма” АУо-ҕа уонна Хаҥалас улууһун “Хачыкаат” ТХПК-гэр, соҕотох БДТ-7,62 “Звезда” барана “Хачыкаат” кэпэрэтиипкэ ананан кэллилэр. Тыа сирин үлэһит дьоно Үлэ сылыгар аныгы кыахтаах тиэхиньикэнэн-тэрилинэн саҥалыы сэбилэнэн, хойутаабыт сааскы ыһыыларын кэмигэр түмүктүүргэ эрэллэрэ күүһүрдэҕэ.

Василий Никифоров


Өссө сэргээн ааҕыҥ:

Потребкэпэрээссийэ – Саха сиригэр тыа хаһаайыстыбатын тыынын уһатар уонна сайыннарар соҕотох суол


Читайте нас в:

Сааскы ыһыы үлэтэ: “Амма”, “Хачыкаат” хаһаайыстыбалар аныгы кыахтаах тиэхиньикэнэн сэбилэннилэр

Тыа хаһаайыстыбатын оҥорон таһаарыыта тиэхиньикэттэн быһаччы тутулуктаах. Ордук чуолаан сир үлэтэ билиҥҥи сайдыылаах үйэҕэ саҥалыы сэбилэннэҕинэ эрэ үрдүк үүнүүгэ суоттаныахха сөп. Тыа хаһаайыстыбатын министиэристибэтин сир үлэтигэр, мэлирээссийэҕэ уонна матырыйаалынай-тэхиньиичэскэй хааччыйыыга департаменын салайааччыта Вячеслав Гаврильев иһитиннэрбитинэн, быйыл хаһаайыстыбалар лизиҥҥэ атыыласпыт 19 тиэхиньикэлэриттэн бэҕэһээ, ыам ыйын 24 күнүгэр, түөрдэ Саха сирин буоругар үктэннэ.

Өрөспүүбүлүкэ бурдук бааһыналаах хаһаайыстыбалара бу күннэргэ сааскы ыһыы үлэтин саҕалаатылар, – диир департамент салайааччыта. – Атыыласпыт тиэхиньикэлэрэ кинилэргэ сүрүн төһүү буолаллара саарбаҕа суох. Саҥа тиэхиньикэ сир үлэтин хас да түһүмэҕин биир хамсаныынан оҥорорго суоттаммыт буолан, уматыгы кэмчилииргэ, үлэ оҥорумтуотун үрдэтэргэ көмөлөөх. Сүрүннээн, ыһыы үлэтигэр аналлаах көрүҥнэрин урутаттыбыт. Онон, хаһаайыстыбалар тута туттан-туһанан барыахтара. Өссө “Хачыкаат” ТХПК-гэр анаммыт биир РСМ 2375 мааркалаах тыраахтар тиэйиллэн айаннаан иһэр, бу күннэргэ кэлиэҕэ. Онтон ураты тиэхиньикэ мантан сайын собуокка оҥоһуллан тахсан, атыыласпыт хаһаайыстыбаларга аны күһүн хомуур үлэтин үмүрүтэргэ көмөлөһүө”.

Аныгы кыахтаах тиэхиньикэнэн сэбилэнии дьаһала Ил Дархан уонна бырабыыталыстыба өйөбүллэринэн ыытыллар. Быйыл өрөспүүбүлүкэ 7 улууһуттан уонна Дьокуускайтан 15 хаһаайыстыба 19 тиэхиньикэни “Росагролизинг” АУо-тан чэпчэтиилээх бырагырааманан атыыласта. Тиэхиньикэ барыта 79 мөл. солкуобайга турар сыаналаах. Хаһаайыстыбалар бастакы усунуос төлөбүрүгэр уонна лизиҥҥэ сылларынан төлөһүүгэ көрсөр ороскуоттара, тиэхиньикэни тиэрдиини киллэрэн туран, өрөспүүбүлүкэ бүддьүөтүттэн 95 бырыһыаҥҥа диэри толуйуллуо.

Амма, Мэҥэ Хаҥалас, Чурапчы, Хаҥалас, Нам, Өлүөхүмэ, Уус Алдан улуустарын уонна Дьокуускай куорат хаһаайыстыбалара 6 тыраахтары (икки – РСМ 2375 мааркалаах, түөрт – МТЗ-1221 мааркалаах), 3 бурдук хомуйар “Вектор-410” комбайны, 2 хортуоппуй хомуйар АВР 5200 комбайны, 4 хортуоппуй хомуйар АВР 6200 комбайны, 1 хортуоппуй хомуйар ПКК-2-05 комбайны, 2 ыһыы үлэтигэр туттуллар булкаас тииптээх SH-8200/АТ-8 комплексы уонна БДТ-7,62 “Звезда” барананы атыыласпыттар.

Итилэртэн биир РСМ 2375 тыраахтар “Амма” ХЭУо-ҕа, икки SH-8200/АТ-8 комплекс “Амма” АУо-ҕа уонна Хаҥалас улууһун “Хачыкаат” ТХПК-гэр, соҕотох БДТ-7,62 “Звезда” барана “Хачыкаат” кэпэрэтиипкэ ананан кэллилэр. Тыа сирин үлэһит дьоно Үлэ сылыгар аныгы кыахтаах тиэхиньикэнэн-тэрилинэн саҥалыы сэбилэнэн, хойутаабыт сааскы ыһыыларын кэмигэр түмүктүүргэ эрэллэрэ күүһүрдэҕэ.

Василий Никифоров


Өссө сэргээн ааҕыҥ:

Потребкэпэрээссийэ – Саха сиригэр тыа хаһаайыстыбатын тыынын уһатар уонна сайыннарар соҕотох суол



Читайте дальше

Юмор ЧП Спорт СВО Разное Отдых Мир Культ