Булт сокуонугар уларытыы киирдэҕинэ, байыаннай дьайыы кыттыылааҕа уочараты таһынан көҥүл ылан, бултуур буолуоҕа

Ил Түмэн дьокутаата, өрөспүүбүлүкэ парламенын сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Сахамин Афанасьев “Булт туһунан уонна бултаныллар кыылы-сүөлү харыстааһын туһунан” СӨ сокуонун 11-с ыстатыйатыгар уларытыылары киллэрэр туһунан сокуон бырайыагын оҥорон киллэрбитэ бастакы ааҕыыга ылыллан, бүтэһиктээх эрэдээксийэтин аны Ил Түмэн дьокутааттара бэс ыйын 8 күнүнээҕи сиэссийэлэригэр бигэргэтиэхтэрэ.

Дьокутаат тус көҕүлээһинин быыбардааччылар туруорсууларыгар олоҕуран уонна бу дьыл кулун тутарга ыытыллыбыт СӨ муниципальнай тэриллиилэрин бэрэстэбиитэллээх уорганнарын дьокутааттарын II сийиэһин уурааҕын Ил Түмэҥҥэ туһуламмыт 9-с пуунун олоххо киллэрии сүнньүнэн ылыммытын эттэ.

Сокуон барылын бултаныллар кыылга-сүөлгэ көҥүлү үллэриини сааһылыыр, үлэ хаамыытыгар 11-с ыстатыйаҕа көрсүллэр итэҕэстэри туоратар, ону тэҥэ байыаннай дьайыыга кыттыбыт дьону өйүүр туһуттан оҥордум”, – диэтэ Сахамин Афанасьев.

Сахамин Миланович Булт сокуонун 11-с ыстатыйатыгар уларытыы киллэрэргэ барыта түөрт этиилээҕин маннык быһааран кэпсээтэ:

Бастакытынан, билигин үлэлиир Сокуон 11-с ыстатыйатын 2.1. пуунугар сөп түбэһиннэрэн, бүттүүн бултуур сирдэргэ булт квотата биирдиилээн дьон икки ардыларыгар үллэһиллэр. Маннык сирдэргэ булт болдьоҕун кэмигэр бултаныллыахтаах кыылга-сүөлгэ быһыллыбыт квота уонна лимиит иһигэр билим (наука) уонна үөрэх тэрилтэлэрэ бултуохтаах ирээттэрэ эмиэ киирэн сылдьар. Ити тэрилтэлэргэ квота киллэрбит сайаапкаларынан түҥэтиллэр. Үөһэ этиллибиттэргэ тирэҕирэн, Сокуон барыла 2.1. пууҥҥа баар утарсыыны туоратар инниттэн бигэргэммит Бэрээдэгинэн квотаны үллэрии испииһэгиттэн билим уонна үөрэх тэрилтэлэрин квоталарын таһааран кэбиһэри көрөр. Ити тэрилтэлэр квотаны ылыыга Булт департаменын кытта быһаччы үлэлэһэр буолуохтара.

Иккиһинэн, Сокуон барыла байыаннай дьайыы кыттыылаахтарын өйүүр туһуттан булт көҥүлүн үллэриигэ инники тутуллар бэрээдэктэрин олохтууру ыйар. Кинилэр булт квотатын үллэриигэ кыттар түбэлтэлэригэр уочараты таһынан көҥүл ылыахтаахтар. Өскөтүн, оннук быраабынан туһанар кыттааччы элбэх буоллаҕына, көҥүлү үллэрии сайаапка хаһан киирбитинэн көрөн, уочарат быһыытынан ыытыллыахтаах. Байыаннай дьайыы кыттыылаахтара эмиэ, биотехнологияҕа уонна ойуур уотун умуруорууга үлэлэспит дьон итиэннэ бөрөһүттэр курдук, 30 % квоталаах испииһэккэ анньыһыахтара. Бэйэлэрэ баҕарар буоллахтарына, 35-тии % квоталаах өрөспүүбүлүкэ уонна улуустар сэрэбиэйдэригэр кытталлара хааччахтаммат.

Үсүһүнэн, өрөспүүбүлүкэ үрдүнэн бултаныллар кыыл-сүөл ахсаанын ааҕыы, үөскэтии уонна адьырҕа кыыллар ахсааннарын сүрүннээһин дьаһалларын тэрийэн ыытыы дьаһаллара үгүс үбү-харчыны эрэйэллэр. Кэлиҥҥи сылларга элбэх улууска булчуттар уопсастыбаннай түмсүүлэрэ сөргүтүллэн, үлэлээн эрэллэр уонна ити үөһэ этиллэр дьаһаллары ыытыы эбээһинэһин бэйэлэригэр ылынарга бэлэмнэр. Онон сиэттэрэн, Сокуон барыла өрөспүүбүлүкэ улуустарыгар булчуттар уопсастыбаларын сайыннарар инниттэн 4-с пууҥҥа уларытыы киллэрэн, тустаах улуустарга тэриллибит булчуттар уопсастыбаннай холбоһуктара улуустарын иһинэн бүттүүн бултаныллар сирдэргэ кыыл-сүөл ахсаанын чопчулааһыҥҥа, сүрүннээһиҥҥэ уонна харыстааһыҥҥа кытталларын көрөр.

Төрдүһүнэн, Сокуон 11-с ыстатыйатыгар уларытыы киллэриллиэҕиттэн көрүллүбүт квоталар туһаныллыбакка хаалар чахчылара тахсыталыыллар. Холобур, биир киһи хас да улууска уонна куоракка электроннай сэрэбиэйдээһиҥҥэ кыттан баран, “сүүйбүт” квоталарыттан сороҕун ыла даҕаны соруммат. Оттон билиҥҥи Сокуон оннук хаалан эрэр квота салгыы үллэриигэ туһанылларын көҥүллээбэт. Онон сиэттэрэн, Сокуон барыла “көрүллүбүт лимиити уонна квотаны толору туһанар туһуттан хаттаан сэрэбиэйдээһин түмүгүнэн көҥүлү ылыы болдьоҕун чопчу олохтуурга” этэр. Ол эбэтэр алтынньы 15 күнүгэр диэри көҥүлүн кэлэн ылбатах булчут ытыс сотторугар тиийиэ, кини квотата хос сэрэбиэйдээһиҥҥэ туттуллан, атын киһиэхэ бэриллэр бэрээдэгэ олохтонуо.

Василий Никифоров


Өссө сэргээн ааҕыҥ:

Анатолий Попов: “Быйыл саас урукку болдьоҕунан бүтэһигин кустуубут-хаастыыбыт”


 


Читайте нас в:

Булт сокуонугар уларытыы киирдэҕинэ, байыаннай дьайыы кыттыылааҕа уочараты таһынан көҥүл ылан, бултуур буолуоҕа

Ил Түмэн дьокутаата, өрөспүүбүлүкэ парламенын сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Сахамин Афанасьев “Булт туһунан уонна бултаныллар кыылы-сүөлү харыстааһын туһунан” СӨ сокуонун 11-с ыстатыйатыгар уларытыылары киллэрэр туһунан сокуон бырайыагын оҥорон киллэрбитэ бастакы ааҕыыга ылыллан, бүтэһиктээх эрэдээксийэтин аны Ил Түмэн дьокутааттара бэс ыйын 8 күнүнээҕи сиэссийэлэригэр бигэргэтиэхтэрэ.

Дьокутаат тус көҕүлээһинин быыбардааччылар туруорсууларыгар олоҕуран уонна бу дьыл кулун тутарга ыытыллыбыт СӨ муниципальнай тэриллиилэрин бэрэстэбиитэллээх уорганнарын дьокутааттарын II сийиэһин уурааҕын Ил Түмэҥҥэ туһуламмыт 9-с пуунун олоххо киллэрии сүнньүнэн ылыммытын эттэ.

Сокуон барылын бултаныллар кыылга-сүөлгэ көҥүлү үллэриини сааһылыыр, үлэ хаамыытыгар 11-с ыстатыйаҕа көрсүллэр итэҕэстэри туоратар, ону тэҥэ байыаннай дьайыыга кыттыбыт дьону өйүүр туһуттан оҥордум”, – диэтэ Сахамин Афанасьев.

Сахамин Миланович Булт сокуонун 11-с ыстатыйатыгар уларытыы киллэрэргэ барыта түөрт этиилээҕин маннык быһааран кэпсээтэ:

Бастакытынан, билигин үлэлиир Сокуон 11-с ыстатыйатын 2.1. пуунугар сөп түбэһиннэрэн, бүттүүн бултуур сирдэргэ булт квотата биирдиилээн дьон икки ардыларыгар үллэһиллэр. Маннык сирдэргэ булт болдьоҕун кэмигэр бултаныллыахтаах кыылга-сүөлгэ быһыллыбыт квота уонна лимиит иһигэр билим (наука) уонна үөрэх тэрилтэлэрэ бултуохтаах ирээттэрэ эмиэ киирэн сылдьар. Ити тэрилтэлэргэ квота киллэрбит сайаапкаларынан түҥэтиллэр. Үөһэ этиллибиттэргэ тирэҕирэн, Сокуон барыла 2.1. пууҥҥа баар утарсыыны туоратар инниттэн бигэргэммит Бэрээдэгинэн квотаны үллэрии испииһэгиттэн билим уонна үөрэх тэрилтэлэрин квоталарын таһааран кэбиһэри көрөр. Ити тэрилтэлэр квотаны ылыыга Булт департаменын кытта быһаччы үлэлэһэр буолуохтара.

Иккиһинэн, Сокуон барыла байыаннай дьайыы кыттыылаахтарын өйүүр туһуттан булт көҥүлүн үллэриигэ инники тутуллар бэрээдэктэрин олохтууру ыйар. Кинилэр булт квотатын үллэриигэ кыттар түбэлтэлэригэр уочараты таһынан көҥүл ылыахтаахтар. Өскөтүн, оннук быраабынан туһанар кыттааччы элбэх буоллаҕына, көҥүлү үллэрии сайаапка хаһан киирбитинэн көрөн, уочарат быһыытынан ыытыллыахтаах. Байыаннай дьайыы кыттыылаахтара эмиэ, биотехнологияҕа уонна ойуур уотун умуруорууга үлэлэспит дьон итиэннэ бөрөһүттэр курдук, 30 % квоталаах испииһэккэ анньыһыахтара. Бэйэлэрэ баҕарар буоллахтарына, 35-тии % квоталаах өрөспүүбүлүкэ уонна улуустар сэрэбиэйдэригэр кытталлара хааччахтаммат.

Үсүһүнэн, өрөспүүбүлүкэ үрдүнэн бултаныллар кыыл-сүөл ахсаанын ааҕыы, үөскэтии уонна адьырҕа кыыллар ахсааннарын сүрүннээһин дьаһалларын тэрийэн ыытыы дьаһаллара үгүс үбү-харчыны эрэйэллэр. Кэлиҥҥи сылларга элбэх улууска булчуттар уопсастыбаннай түмсүүлэрэ сөргүтүллэн, үлэлээн эрэллэр уонна ити үөһэ этиллэр дьаһаллары ыытыы эбээһинэһин бэйэлэригэр ылынарга бэлэмнэр. Онон сиэттэрэн, Сокуон барыла өрөспүүбүлүкэ улуустарыгар булчуттар уопсастыбаларын сайыннарар инниттэн 4-с пууҥҥа уларытыы киллэрэн, тустаах улуустарга тэриллибит булчуттар уопсастыбаннай холбоһуктара улуустарын иһинэн бүттүүн бултаныллар сирдэргэ кыыл-сүөл ахсаанын чопчулааһыҥҥа, сүрүннээһиҥҥэ уонна харыстааһыҥҥа кытталларын көрөр.

Төрдүһүнэн, Сокуон 11-с ыстатыйатыгар уларытыы киллэриллиэҕиттэн көрүллүбүт квоталар туһаныллыбакка хаалар чахчылара тахсыталыыллар. Холобур, биир киһи хас да улууска уонна куоракка электроннай сэрэбиэйдээһиҥҥэ кыттан баран, “сүүйбүт” квоталарыттан сороҕун ыла даҕаны соруммат. Оттон билиҥҥи Сокуон оннук хаалан эрэр квота салгыы үллэриигэ туһанылларын көҥүллээбэт. Онон сиэттэрэн, Сокуон барыла “көрүллүбүт лимиити уонна квотаны толору туһанар туһуттан хаттаан сэрэбиэйдээһин түмүгүнэн көҥүлү ылыы болдьоҕун чопчу олохтуурга” этэр. Ол эбэтэр алтынньы 15 күнүгэр диэри көҥүлүн кэлэн ылбатах булчут ытыс сотторугар тиийиэ, кини квотата хос сэрэбиэйдээһиҥҥэ туттуллан, атын киһиэхэ бэриллэр бэрээдэгэ олохтонуо.

Василий Никифоров


Өссө сэргээн ааҕыҥ:

Анатолий Попов: “Быйыл саас урукку болдьоҕунан бүтэһигин кустуубут-хаастыыбыт”


 



Читайте дальше

Юмор ЧП Спорт СВО Отдых Обо всём Мир Культ