Саха өрөспүүбүлүкэтигэр Ырыа күнүн көрсө, Хамаҕатта нэһилиэгин «Түһүлгэ» норуот айымньытын киинигэр өй, толкуй оонньуутун үлэһиттэр Оксана Кудрина, Татьяна Уодай тэрийэн ыыттылар.
Оонньууга Хамаҕатта нэһилиэгин общественнай түмсүүлэриттэн «Барахсаана» аҕам саастаахтар, «Күн эгэлгэ» коллекционердар, «Иэмэх» фольклорнай бөлөх хамаандалара кииристилэр. Оонньуу «Караокенан ырыа», «Түргэн ыйытыктар», «Ыам ыйын илдьитэ — ньургуһун», «Ырыа тылын салҕаа», «Читай по губам», «Матыыбы таай» түһүмэхтэрдээх буолла.
Бөлөхтөр эгил-тэгил оонньоотулар. Түмүккэ 30 баллаах «Күн эгэлгэ» түмсүү (сал. Маргарита Охлопкова) кыайылааҕынан ааттанна. Оонньуу кыттыылаахтара туоһу сурук, сыаналаах бэлэх туттулар, сэргэх тэрээһинтэн ырыа сомоҕолуур күүс буолан ыллана турдун диэн дуоһуйан тарҕастылар.
Мария Винокурова
Читайте нас в:
