Үөрүүлээх сонун Анаабыр улууһун тилийэ көттө. Ол курдук, бу күннэргэ дойдубут тэбэр сүрэҕэр Москваҕа Арассыыйа худуоһунньуктарын уонна маастардарын XVIII аан дойдутааҕы «Сокровище Севера» быыстапка-дьаарбаҥкаҕа талба талааннаах СР норуотун уус-уран оҥоһуктарыгар маастара Прасковья Попова «Полярный стиль» номинацияҕа 1 миэстэни, айар куттаах эдэр иистэнньэҥмит Аксинья Сивцева 3-с миэстэни ыллылар.
Кинилэр аан дойдуга аҕыйах ахсааннаах долган норуотун уус-уран искусствотын, ииһин-мандарын тарҕатан, айымньылаахтык үлэлииллэр.
Прасковья Карповна Үлэ Дьоруойа И.К.Спиридонов аатынан МУТ 2-с ыстаадатыгар Анна, Анатолий Поповтарга кэргэнинээн настаабынньыктыыллар, сүбэ-соргу биэрэллэр. Аксинья Сивцева педагог идэлээх, ыччаты кэрэни таба көрөргө, уруһуйга, иискэ-ууска үөрэтэр.
Гуннара Байгильдина
Читайте нас в:
