Тулагыга — Бэтэрээн күнэ

САХА СИРЭ. Муус устар 25 күнэ — ULUS.MEDIA. Ааспыт нэдиэлэҕэ Тулагы сэлиэнньэтигэр Үлэ сылын уонна бэтэрээн ыйынньыгын чэрчилэринэн «Бэтэрээн күнэ» ыытылынна.

Тэрээһиҥҥэ тыыл уонна үлэ бэтэрээннэрэ, байыаннай анал операция кыттыылаахтара уонна кинилэр төрөппүттэрэ кыттыыны ылыллар. Социальнай эйгэҕэ сыһыаннаах биэдэмистибэлэр, тэрилтэлэр уонна түмсүүлэр салайааччылара, үлэһиттэрэ кинилэргэ анаан туһалаах иһитиннэриилэри оҥордулар, мунаарар ыйытыыларыгар хоруйдаатылар.

Ол курдук, социальнай сайдыы уонна үлэ министиэристибэтин иһинэн үлэлиир Дьокуускай куорат үлэҕэ уонна нэһилиэнньэ социальнай харысхаллаах буолуутугар управлениетын салайааччыта Семен Матвеев бэтэрээннэргэ уонна анал байыаннай операция кыттыылаахтарыгар, кинилэр төрөппүттэригэр аналлаах олус наадалаах иһитиннэриини оҥордо. Социальнай чэпчэтиилэр, төлөбүрдэр тустарынан сиһилии кэпсээтэ. Семен Иванович Тулагы бэтэрээннэригэр «Забота-Арчы» амарах хаһыакка сыл аҥаарыгар сурутуу оҥорон бэлэхтээтэ. Кини актыыбынай үлэлээх ытык кырдьаҕастарга, бааһыран дойдутугар кэлбит анал байыаннай операция кыттыылааҕар, төрөппүттэргэ сэмэй бэлэхтэри туттартаата.

«Забота-Арчы» хаһыат эрэдээктэрэ Василий Мандаров эрэдээксийэ ыытар үлэтин-хамнаһын туһунан мустубут дьоҥҥо билиһиннэрдэ.

Тулагы-Киллэм нэһилиэгин баһылыга Егор Попов уонна Тулагы орто оскуолатын дириэктэрэ Дмитрий Андросов эмиэ бэтэрээннэргэ «Забота-Арчы» хаһыакка сурутуу оҥорон бэлэх ууннулар.

Маны таһынан тэрээһиҥҥэ Дьокуускай куорат Думатыгар уонна Ил Түмэҥҥэ «Биир ньыгыл Россия» партия праймериһыгар кыттыыны ылар кандидаттар Хаҥалас орто оскуолатын дириэктэрэ Петр Хромов уонна Савелий Адамов кыттыыны ыллылар.

Тулагы олохтоохторо, бэтэрээннэр, сайынын сэлиэнньэ аттыгар баар пляжка Дьокуускай куорат олохтоохторо кэлэннэр бөҕү-сыыһы ыһалларын, хойукка диэри музыка тыаһатаннар аттынааҕы ыаллары утуппаттарын, оптуобус тохтобулун, о.д.а. кыһалҕалаах боппуруостар быһаарыллаллара наадатын туһунан эттилэр.

Бэтэрээн күнүн Дьокуускайдааҕы култуура колледжын устудьуоннара уонна «Забота-Арчы« хаһыат эрэдээктэрэ Василий Мандаров бэйэлэрин ырыаларынан-тойуктарынан киэргэттилэр.

Людмила НОГОВИЦЫНА.


Читайте нас в:

Тулагыга — Бэтэрээн күнэ

САХА СИРЭ. Муус устар 25 күнэ — ULUS.MEDIA. Ааспыт нэдиэлэҕэ Тулагы сэлиэнньэтигэр Үлэ сылын уонна бэтэрээн ыйынньыгын чэрчилэринэн «Бэтэрээн күнэ» ыытылынна.

Тэрээһиҥҥэ тыыл уонна үлэ бэтэрээннэрэ, байыаннай анал операция кыттыылаахтара уонна кинилэр төрөппүттэрэ кыттыыны ылыллар. Социальнай эйгэҕэ сыһыаннаах биэдэмистибэлэр, тэрилтэлэр уонна түмсүүлэр салайааччылара, үлэһиттэрэ кинилэргэ анаан туһалаах иһитиннэриилэри оҥордулар, мунаарар ыйытыыларыгар хоруйдаатылар.

Ол курдук, социальнай сайдыы уонна үлэ министиэристибэтин иһинэн үлэлиир Дьокуускай куорат үлэҕэ уонна нэһилиэнньэ социальнай харысхаллаах буолуутугар управлениетын салайааччыта Семен Матвеев бэтэрээннэргэ уонна анал байыаннай операция кыттыылаахтарыгар, кинилэр төрөппүттэригэр аналлаах олус наадалаах иһитиннэриини оҥордо. Социальнай чэпчэтиилэр, төлөбүрдэр тустарынан сиһилии кэпсээтэ. Семен Иванович Тулагы бэтэрээннэригэр «Забота-Арчы» амарах хаһыакка сыл аҥаарыгар сурутуу оҥорон бэлэхтээтэ. Кини актыыбынай үлэлээх ытык кырдьаҕастарга, бааһыран дойдутугар кэлбит анал байыаннай операция кыттыылааҕар, төрөппүттэргэ сэмэй бэлэхтэри туттартаата.

«Забота-Арчы» хаһыат эрэдээктэрэ Василий Мандаров эрэдээксийэ ыытар үлэтин-хамнаһын туһунан мустубут дьоҥҥо билиһиннэрдэ.

Тулагы-Киллэм нэһилиэгин баһылыга Егор Попов уонна Тулагы орто оскуолатын дириэктэрэ Дмитрий Андросов эмиэ бэтэрээннэргэ «Забота-Арчы» хаһыакка сурутуу оҥорон бэлэх ууннулар.

Маны таһынан тэрээһиҥҥэ Дьокуускай куорат Думатыгар уонна Ил Түмэҥҥэ «Биир ньыгыл Россия» партия праймериһыгар кыттыыны ылар кандидаттар Хаҥалас орто оскуолатын дириэктэрэ Петр Хромов уонна Савелий Адамов кыттыыны ыллылар.

Тулагы олохтоохторо, бэтэрээннэр, сайынын сэлиэнньэ аттыгар баар пляжка Дьокуускай куорат олохтоохторо кэлэннэр бөҕү-сыыһы ыһалларын, хойукка диэри музыка тыаһатаннар аттынааҕы ыаллары утуппаттарын, оптуобус тохтобулун, о.д.а. кыһалҕалаах боппуруостар быһаарыллаллара наадатын туһунан эттилэр.

Бэтэрээн күнүн Дьокуускайдааҕы култуура колледжын устудьуоннара уонна «Забота-Арчы« хаһыат эрэдээктэрэ Василий Мандаров бэйэлэрин ырыаларынан-тойуктарынан киэргэттилэр.

Людмила НОГОВИЦЫНА.



Читайте дальше

Юмор ЧП Спорт СВО Разное Отдых Мир Культ