Табаһыттар сүлүөттэрэ Анаабыр улууһугар киэҥ далааһыннаахтык ыытылынна

САХА СИРЭ. 25 күнэ — ULUS.MEDIA. Саха республикатыгар Үлэ сылынан, Анаабыр долган-эбэҥки национальнай улууһугар – Табаны иитии, “Севернэй” сопкуос тэриллибитэ 40, Социалистическай Үлэ Дьоруойа И.К.Спиридонов төрөөбүтэ 110 сылларын чэрчитинэн ыытыллар табаһыттар сүлүөттэрэ ньиргиэрдээхтик бэлиэтэннэ. Сүлүөт бастакы күнүгэр туундара дьиҥ хаһаайыттарыгар аналлаах табаһыттар улуустааҕы сүбэ мунньахтара ыытылынна.

 

Бу иннигэр сарсыарда Үрүҥ Хайаҕа Социалистическай Үлэ Геройа Илья Спиридоновка сүгүрүйэн мэҥэ пааматынньыгар венок уурдулар уонна нэһилиэк бастыҥ үлэһиттэрин хаартыскаларынан бочуот дуоскатын үөрүүлээхтик астылар.

Бу кэнниттэн үгэс буолбут табаһыттар мунньахтарын саҕалаатылар. Киирии тылыгар улуус баһылыгын бастакы солбуйааччы Василий Поскачин табаһыттары сүлүөтүнэн эҕэрдэлээтэ уонна улуус дьаһалтатын Бочуотунай грамотатын «Севернэй» совхоз ытык-мааны бэтэрээннэригэр, кэккэ сылларга сатабыллаахтык салайбыт дириэктэрдэргэ Егор Андросовка, Эдуард Кылтасовка, Иван Большаковка, итиэннэ Дьокуускайтан кэлбит совхоз кылаабынай ветеринарнай бырааһынан үлэлээбит Людмила Коженкинаҕа, үөрүүлээх быһыыга-майгыга туттарда.

Салгыы Тыа хаһаайыстыбатын управлениетын начальнигын э.т. Туйаара Николаева ылан, сыллааҕы үлэ түмүгүн таһаарда, итиэннэ барыларын киэҥ кэпсэтиигэ ыҥырда. Бу кэнниттэн Миирнэй оройуонун ветеринариятын Анаабырдааҕы филиалын сэбиэдиссэйэ Николай Семенников санаатын эттэ уонна чулуу табаһыттарга махтал суруктары туттарда.

Үбүлүөйдээх И.К Спиридонов аатынан МУП салайааччыта Роман Туприн хаһаайыстыба билиҥҥи үлэтин кэпсээтэ, Дьоруой Ылдьаа кыргыттарыгар Анна Кылтасоваҕа, Ольга Савченкоҕа, Лидия Стрижковаҕа, Надежда Тупринаҕа махтал суругу, сэмэй бэлэхтэрин, итиэннэ тэрилтэтин хоһуун үлэһиттэригэр табаһыттарга эҕэрдэлээн наҕараадалары туттарда.

Маны сэргэ, дириэктэр Роман Дмитриевич 2022 сыллаах үлэ түмүгүнэн үрдүк көрдөрүүнү ситиспит таба иитэр ыстаадаларга, улахан табаны тыыннаах иитиини 92, 3% тугут деловой тахсыытын 87,3 % ситиспит 2-с нүөмэрдээх ыстаада коллективыгар, биригэдьиир Анатолий Поповка 300 тыһыынча суумалаах сертификатынан, улахан табаны иитиини 92, 3%, тугут деловой тахсыытын 74,0 % ситиспит 1 –гы нүөмэрдээх ыстаада коллективыгар биригэдьиир Михаил Туприҥҥа 200 тыһыынча суумалаах сертификатынан, улахан табаны иитиини 88, 7% тугут деловой тахсыытын 67,5 % ситиспит 4-с нүөмэрдээх ыстаада коллектива биригэдьиир Иван Туприҥҥа 100 тыһыынча суумалаах сертификатынан наҕараадалаата.

Дьокуускайтан үөрүүлээх үбүлүөйгэ ыҥырыллан кэлбит “Севернэй” сопхуоска 1992-1995 сылларга дириэктэрдээбит, үлэ бэтэрээнэ Егор Андросов санаатын эттэ: “Миэхэ оройуон салайааччыта Прокопий Семенович Иванов “Анаабыр” совхозтан “Севернай” совхоз тэриллэн үлэлииригэр сүбэлэһэн үлэлиэххэ диэн, хара бастакыттан тэрээһиннээхтик саҕалаабыппыт.Үрүҥ Хайа бөһүөлэгин олохтоохторун кыһалҕаларын, социальнай боппуруостарын быһаарарга миэхэ кыах бэриллибитэ. Аҕыйах бириэмэ иһигэр икки ПАКУ үлэлэтэн Үрүҥ Хайа теплофикациятын быһаарбыппыт, саҥа электростанциялары аҕаламмыт, монтажтаан таҥан үлэҕэ киирэннэр нэһилиэнньэни уотунан толору хааччыйбыппыт.Тустаах специалистар сыралаах үлэлэринэн 90-ус сылларга, уларыйыы сылларыгар, таба ахсаанын аҕыйаппакка билигин да тутан үлэлии олорор».

Бу кэнниттэн улуус баһылыгын бастакы солбуйааччы Василий Поскачин бастыҥ үлэлээх табаһыттарга, чуум үлэһиттэригэр Анаабыр долган-эбэҥки национальнай улууһун баһылыгын Бочуотунай грамотатын, сэмэй бэлэхтэрин И.К.Спиридонов аатынан МУТ 5-с №-дээх ыстаадатын биригэдьииригэр Андрей Туприҥҥа , 6-с №-дээх ыстаада биригэдьииригэр Евдоким Чуприҥҥ, 7-с №-дээх ыстаада биригэдьииригэр Алексей Туприҥҥа, 8-с №-дээх ыстаада биригэдьииригэр Анисим Туприҥҥа туттарда. Онтон унитарнай тэрилтэ тутаах үлэһитэ Светлана Туприна коллектив аатыттан бэтэрээннэргэ бэйэлэрэ сакаастаан оҥорторбут “Севернэй совхоз 40 сыла” диэн мэтээли, табаһыттарга, чуум үлэһиттэригэр «Дьоруой сулуһун аннынан» диэн саҥа бэчээттэнэн тахсыбыт хаартыскалардаах альбом кинигэлэрин бэлэхтээтэ.

Сүбэ-мунньах кыттыылаахтара табаһыттар, чуум үлэһиттэрэ Туундара дьиҥ хаһаайыттара буолалларын, үбүлүөйдээх сүлүөккэ таба сүүрдүүтүгэр, күрэхтэргэ кыттан бар дьонноругар үтүө ааттарын суон сурахтыахтара.

 

Гуннара Байгильдина


Читайте нас в:

Табаһыттар сүлүөттэрэ Анаабыр улууһугар киэҥ далааһыннаахтык ыытылынна

САХА СИРЭ. 25 күнэ — ULUS.MEDIA. Саха республикатыгар Үлэ сылынан, Анаабыр долган-эбэҥки национальнай улууһугар – Табаны иитии, “Севернэй” сопкуос тэриллибитэ 40, Социалистическай Үлэ Дьоруойа И.К.Спиридонов төрөөбүтэ 110 сылларын чэрчитинэн ыытыллар табаһыттар сүлүөттэрэ ньиргиэрдээхтик бэлиэтэннэ. Сүлүөт бастакы күнүгэр туундара дьиҥ хаһаайыттарыгар аналлаах табаһыттар улуустааҕы сүбэ мунньахтара ыытылынна.

 

Бу иннигэр сарсыарда Үрүҥ Хайаҕа Социалистическай Үлэ Геройа Илья Спиридоновка сүгүрүйэн мэҥэ пааматынньыгар венок уурдулар уонна нэһилиэк бастыҥ үлэһиттэрин хаартыскаларынан бочуот дуоскатын үөрүүлээхтик астылар.

Бу кэнниттэн үгэс буолбут табаһыттар мунньахтарын саҕалаатылар. Киирии тылыгар улуус баһылыгын бастакы солбуйааччы Василий Поскачин табаһыттары сүлүөтүнэн эҕэрдэлээтэ уонна улуус дьаһалтатын Бочуотунай грамотатын «Севернэй» совхоз ытык-мааны бэтэрээннэригэр, кэккэ сылларга сатабыллаахтык салайбыт дириэктэрдэргэ Егор Андросовка, Эдуард Кылтасовка, Иван Большаковка, итиэннэ Дьокуускайтан кэлбит совхоз кылаабынай ветеринарнай бырааһынан үлэлээбит Людмила Коженкинаҕа, үөрүүлээх быһыыга-майгыга туттарда.

Салгыы Тыа хаһаайыстыбатын управлениетын начальнигын э.т. Туйаара Николаева ылан, сыллааҕы үлэ түмүгүн таһаарда, итиэннэ барыларын киэҥ кэпсэтиигэ ыҥырда. Бу кэнниттэн Миирнэй оройуонун ветеринариятын Анаабырдааҕы филиалын сэбиэдиссэйэ Николай Семенников санаатын эттэ уонна чулуу табаһыттарга махтал суруктары туттарда.

Үбүлүөйдээх И.К Спиридонов аатынан МУП салайааччыта Роман Туприн хаһаайыстыба билиҥҥи үлэтин кэпсээтэ, Дьоруой Ылдьаа кыргыттарыгар Анна Кылтасоваҕа, Ольга Савченкоҕа, Лидия Стрижковаҕа, Надежда Тупринаҕа махтал суругу, сэмэй бэлэхтэрин, итиэннэ тэрилтэтин хоһуун үлэһиттэригэр табаһыттарга эҕэрдэлээн наҕараадалары туттарда.

Маны сэргэ, дириэктэр Роман Дмитриевич 2022 сыллаах үлэ түмүгүнэн үрдүк көрдөрүүнү ситиспит таба иитэр ыстаадаларга, улахан табаны тыыннаах иитиини 92, 3% тугут деловой тахсыытын 87,3 % ситиспит 2-с нүөмэрдээх ыстаада коллективыгар, биригэдьиир Анатолий Поповка 300 тыһыынча суумалаах сертификатынан, улахан табаны иитиини 92, 3%, тугут деловой тахсыытын 74,0 % ситиспит 1 –гы нүөмэрдээх ыстаада коллективыгар биригэдьиир Михаил Туприҥҥа 200 тыһыынча суумалаах сертификатынан, улахан табаны иитиини 88, 7% тугут деловой тахсыытын 67,5 % ситиспит 4-с нүөмэрдээх ыстаада коллектива биригэдьиир Иван Туприҥҥа 100 тыһыынча суумалаах сертификатынан наҕараадалаата.

Дьокуускайтан үөрүүлээх үбүлүөйгэ ыҥырыллан кэлбит “Севернэй” сопхуоска 1992-1995 сылларга дириэктэрдээбит, үлэ бэтэрээнэ Егор Андросов санаатын эттэ: “Миэхэ оройуон салайааччыта Прокопий Семенович Иванов “Анаабыр” совхозтан “Севернай” совхоз тэриллэн үлэлииригэр сүбэлэһэн үлэлиэххэ диэн, хара бастакыттан тэрээһиннээхтик саҕалаабыппыт.Үрүҥ Хайа бөһүөлэгин олохтоохторун кыһалҕаларын, социальнай боппуруостарын быһаарарга миэхэ кыах бэриллибитэ. Аҕыйах бириэмэ иһигэр икки ПАКУ үлэлэтэн Үрүҥ Хайа теплофикациятын быһаарбыппыт, саҥа электростанциялары аҕаламмыт, монтажтаан таҥан үлэҕэ киирэннэр нэһилиэнньэни уотунан толору хааччыйбыппыт.Тустаах специалистар сыралаах үлэлэринэн 90-ус сылларга, уларыйыы сылларыгар, таба ахсаанын аҕыйаппакка билигин да тутан үлэлии олорор».

Бу кэнниттэн улуус баһылыгын бастакы солбуйааччы Василий Поскачин бастыҥ үлэлээх табаһыттарга, чуум үлэһиттэригэр Анаабыр долган-эбэҥки национальнай улууһун баһылыгын Бочуотунай грамотатын, сэмэй бэлэхтэрин И.К.Спиридонов аатынан МУТ 5-с №-дээх ыстаадатын биригэдьииригэр Андрей Туприҥҥа , 6-с №-дээх ыстаада биригэдьииригэр Евдоким Чуприҥҥ, 7-с №-дээх ыстаада биригэдьииригэр Алексей Туприҥҥа, 8-с №-дээх ыстаада биригэдьииригэр Анисим Туприҥҥа туттарда. Онтон унитарнай тэрилтэ тутаах үлэһитэ Светлана Туприна коллектив аатыттан бэтэрээннэргэ бэйэлэрэ сакаастаан оҥорторбут “Севернэй совхоз 40 сыла” диэн мэтээли, табаһыттарга, чуум үлэһиттэригэр «Дьоруой сулуһун аннынан» диэн саҥа бэчээттэнэн тахсыбыт хаартыскалардаах альбом кинигэлэрин бэлэхтээтэ.

Сүбэ-мунньах кыттыылаахтара табаһыттар, чуум үлэһиттэрэ Туундара дьиҥ хаһаайыттара буолалларын, үбүлүөйдээх сүлүөккэ таба сүүрдүүтүгэр, күрэхтэргэ кыттан бар дьонноругар үтүө ааттарын суон сурахтыахтара.

 

Гуннара Байгильдина



Читайте дальше

Юмор ЧП Спорт СВО Отдых Обо всём Мир Культ