Чурапчыга өрөспүүбүлүкэтээҕи харах балыыһатын быраастара үлэлииллэр

Бу күннэргэ өрөспүүбүлүкэтээҕи харах клиническэй балыыһатын быраастара лазернай эпэрээсийэни оҥорор оборудованиелаах Дьокуускай куораттан кэлэн нэһилиэнньэҕэ улахан көмөнү оҥоро сылдьаллар. Ол курдук икки быраас, икки сиэстэрэ, Нюргуяна Егоровна Эбиль, Анна Васильевна Филатова муус устар 13-16 күннэригэр Чурапчы нэһилиэгин Таас балыыһатын Саха АССР үтүөлээх бырааһа Григорий Алексеев аатынан хирургическай отделениетыгар харахтарынан ыалдьар дьону көрдүлэр, салгыы эмтэнэллэригэр сүбэ-ама биэрдилэр.

Прокопий Сокольников аатынан Чурапчытааҕы киин балыыһатын 1-кы категориялаах окулист бырааһа Диана Сотникова Чурапчы нэһилиэгэр үлэ хамыытын билиһиннэрдэ: “Биһиэхэ офтальмохирургическай биригээдэ кэлэн кыһалҕалаах дьоммутугар эпэрээссийэ оҥоро сылдьаллар. Барыта холбоон 47 киһи хараҕын оҥороллор, кинилэр истэриттэн 19 киһи катаракта ыарыыны утары икки харахтарын эпэрээссийэтэллэр, оттон аҥар харахтарыгар 28 ыарыһах. Бэҕэһээ холобура, холбоон 39 эпэрээссийэ оҥоһулунна, бүгүҥҥү күҥҥэ 27 ыарыһах харахтарын оҥотторуохтаах. Бэйэбит улууспутугар эрдэттэн ыарыһахтары көрөн саҕалаабыппыт, туох баар анаалыстарын ыламмыт, анал бланканан барытын толорон, ыарыыларын устуоруйларын бэлэмнээбиппит. Быраастар бастакы күн кэлэннэр барыларын көрдүлэр. Иккис күнтэн эпэрээссийэ саҕаланна. Бу кэнниттэн, эмтэммит дьоммут бары биһиэхэ салгыы көрдөрөллөр, ким-туох ыйытыктааҕынан кэлэннэр поликлиникаҕа көрдөрүнэллэр. Харах быраастара Чурапчы улууһугар куораттан бүтэһигин 2015 сыллаахха сылдьыбыттара. Инникитин сылга биирдэ кэлэннэр өссө төгүл үлэлиэхтэрэ. Бу иннинэ Хандыгаҕа, Тааттаҕа сылдьыбыттара”.

Хирургия отделениетыгар харахтарын оҥоттороору олорор ыарыһахтар уонна эпэрээссийэлэнэн тахсан быраас кэтэбилигэр сытар биир дойдулаахтарбытын кытары кэпсэттибит.

Виктор Николаевич Петров, Болугур нэһилиэгин олохтооҕо, 72 саастаах:

Чугаһы көрөбүн, хаһыаты, кинигэни ааҕабын. Ыраахха буоллаҕына киһи даҕаны, атын да эттиктэр икки буолан көстөллөр этэ. Ол онно улаханнык моһуогурбутум, бырааска көрдөрбүппэр эпэрээссийэлэниэххин наада диэбиттэрэ. Диагноһым катаракта диэн. Уҥа харахпын бастаан оҥоттордум, үчүгэй буолла, сырдык, дьэҥкир. Көстүүтэ үчүгэй. Бу маннык кэлэн эмтииллэрэ олус туһалаах эбит. Мин бэйэм өйдүүрбүнэн улууспутугар бастакы сырыыларын курдук уонна олус элбэх ыарыһахха көмөлөстүлэр. Иккис тыыны киилэрдилэр, харахпыт сырдаата, ырааҕы көрөр буоллубут. Барыта тупсан көстөргө дылы буолла. Харах диэн киһиэхэ саамай наадалаах уорган буоллаҕа. Түгэнинэн туһанан балыыһабыт уопсай кэлэктиибигэр, кинилэри сэргэ хирургическай отделение үлэһиттэригэр, сэбиэдиссэй Василий Поповка улуус бары пенсионердарын ааттарыттан дириҥ махталбытын биллэрэбит. Кинилэр биһиги олус үчүгэйдик көрсөннөр, барыбытын аһатан-сиэтэн ийэлии-аҕалыы амарах сыһыаннаахтар.

Наталья Егоровна Сергеева, Чурапчы нэһилиэгин олохтооҕо, 58 саастаах:

Бэҕэһээ аҥар харахпын эпэрээссийэлээтилэр, бүгүн иккис харахпын оҥоруохтаахтар. Киһи сааһыран истэҕин аайы хараҕа мөлтөөн иһэр эбит, барыта туман-имэн курдук көстөр буолар. Итинтэн сылтаан бытаараҕын, бэйэҕэр эрэлин сүтэр. Онтон бу эпэрээссийэ кэнниттэн көрөрбүт тупсуо, тулалыыр эйгэбит дьэрэкээн өҥнөрүн саҥаттан көрөр кыахтаныахпыт. Хараҕы оҥотторон баран төлөпүөнү көрбөппүт, тэлэбиисэри тустаах бириэмэнэн эрэ көрөҕүн, сурук үлэтин бүтүннүү тохтотоҕун. Биир ый устата быраас анаабыт эрэсиимин барытын тутуһуллуохтаах эбит. Төҥкөҥнүүр, ыараханы көтөҕөр бобуллар. Бэҕэһээ оҥоһуллубут уҥа харахпын аспыттара, билигин кыра туманнаах ол эрэн гынан баран 3-4 күнүнэн ааһыаҕа диэбиттэрэ. Биллэн туран кэлэн үлэлии-хамсыы сылдьар үрүҥ халааттаах аанньалларбытыгар, улууспут хирургическай отделениетын сэбиэдиссэйигэр Василий Саввичка улахан махталбытын биллэрэбит.

Балыыһабыт үлэһиттэрэ олус үчүгэйдик утары кэлэннэр, бачча элбэх киһини кылгас кэм иһигэр көрдүлэр-иһиттилэр. Балыыһа повардарыгар туспа махталбытын тириэрдэбит, астара олус минньигэс, уруккуга тэҥнээтэххэ лаппа тупсубут.

Ити курдук өрөспүүбүлүкэтээҕи харах клиническэй балыыһатын офтальмолог быраастара улуустарынан маннык бэйэлэрэ кэлэн, көрөн-эмтээн, эпэрээссийэ оҥорон бараллара кыһалҕалаах дьоҥҥо олус наадалаах. Инникитин даҕаны харах быраастара улуустарга кэмиттэн кэмигэр кэлэн нэһилиэнньэни көрөллөрүгэр баҕарабыт уонна үрүҥ халааттаах аанньалларбытыгар махталбыт муҥура суох.

Сэмэн Жендринскэй. Ааптар хаартыскаҕа түһэриитэ

«Саҥа олох»


Читайте нас в:

Чурапчыга өрөспүүбүлүкэтээҕи харах балыыһатын быраастара үлэлииллэр

Бу күннэргэ өрөспүүбүлүкэтээҕи харах клиническэй балыыһатын быраастара лазернай эпэрээсийэни оҥорор оборудованиелаах Дьокуускай куораттан кэлэн нэһилиэнньэҕэ улахан көмөнү оҥоро сылдьаллар. Ол курдук икки быраас, икки сиэстэрэ, Нюргуяна Егоровна Эбиль, Анна Васильевна Филатова муус устар 13-16 күннэригэр Чурапчы нэһилиэгин Таас балыыһатын Саха АССР үтүөлээх бырааһа Григорий Алексеев аатынан хирургическай отделениетыгар харахтарынан ыалдьар дьону көрдүлэр, салгыы эмтэнэллэригэр сүбэ-ама биэрдилэр.

Прокопий Сокольников аатынан Чурапчытааҕы киин балыыһатын 1-кы категориялаах окулист бырааһа Диана Сотникова Чурапчы нэһилиэгэр үлэ хамыытын билиһиннэрдэ: “Биһиэхэ офтальмохирургическай биригээдэ кэлэн кыһалҕалаах дьоммутугар эпэрээссийэ оҥоро сылдьаллар. Барыта холбоон 47 киһи хараҕын оҥороллор, кинилэр истэриттэн 19 киһи катаракта ыарыыны утары икки харахтарын эпэрээссийэтэллэр, оттон аҥар харахтарыгар 28 ыарыһах. Бэҕэһээ холобура, холбоон 39 эпэрээссийэ оҥоһулунна, бүгүҥҥү күҥҥэ 27 ыарыһах харахтарын оҥотторуохтаах. Бэйэбит улууспутугар эрдэттэн ыарыһахтары көрөн саҕалаабыппыт, туох баар анаалыстарын ыламмыт, анал бланканан барытын толорон, ыарыыларын устуоруйларын бэлэмнээбиппит. Быраастар бастакы күн кэлэннэр барыларын көрдүлэр. Иккис күнтэн эпэрээссийэ саҕаланна. Бу кэнниттэн, эмтэммит дьоммут бары биһиэхэ салгыы көрдөрөллөр, ким-туох ыйытыктааҕынан кэлэннэр поликлиникаҕа көрдөрүнэллэр. Харах быраастара Чурапчы улууһугар куораттан бүтэһигин 2015 сыллаахха сылдьыбыттара. Инникитин сылга биирдэ кэлэннэр өссө төгүл үлэлиэхтэрэ. Бу иннинэ Хандыгаҕа, Тааттаҕа сылдьыбыттара”.

Хирургия отделениетыгар харахтарын оҥоттороору олорор ыарыһахтар уонна эпэрээссийэлэнэн тахсан быраас кэтэбилигэр сытар биир дойдулаахтарбытын кытары кэпсэттибит.

Виктор Николаевич Петров, Болугур нэһилиэгин олохтооҕо, 72 саастаах:

Чугаһы көрөбүн, хаһыаты, кинигэни ааҕабын. Ыраахха буоллаҕына киһи даҕаны, атын да эттиктэр икки буолан көстөллөр этэ. Ол онно улаханнык моһуогурбутум, бырааска көрдөрбүппэр эпэрээссийэлэниэххин наада диэбиттэрэ. Диагноһым катаракта диэн. Уҥа харахпын бастаан оҥоттордум, үчүгэй буолла, сырдык, дьэҥкир. Көстүүтэ үчүгэй. Бу маннык кэлэн эмтииллэрэ олус туһалаах эбит. Мин бэйэм өйдүүрбүнэн улууспутугар бастакы сырыыларын курдук уонна олус элбэх ыарыһахха көмөлөстүлэр. Иккис тыыны киилэрдилэр, харахпыт сырдаата, ырааҕы көрөр буоллубут. Барыта тупсан көстөргө дылы буолла. Харах диэн киһиэхэ саамай наадалаах уорган буоллаҕа. Түгэнинэн туһанан балыыһабыт уопсай кэлэктиибигэр, кинилэри сэргэ хирургическай отделение үлэһиттэригэр, сэбиэдиссэй Василий Поповка улуус бары пенсионердарын ааттарыттан дириҥ махталбытын биллэрэбит. Кинилэр биһиги олус үчүгэйдик көрсөннөр, барыбытын аһатан-сиэтэн ийэлии-аҕалыы амарах сыһыаннаахтар.

Наталья Егоровна Сергеева, Чурапчы нэһилиэгин олохтооҕо, 58 саастаах:

Бэҕэһээ аҥар харахпын эпэрээссийэлээтилэр, бүгүн иккис харахпын оҥоруохтаахтар. Киһи сааһыран истэҕин аайы хараҕа мөлтөөн иһэр эбит, барыта туман-имэн курдук көстөр буолар. Итинтэн сылтаан бытаараҕын, бэйэҕэр эрэлин сүтэр. Онтон бу эпэрээссийэ кэнниттэн көрөрбүт тупсуо, тулалыыр эйгэбит дьэрэкээн өҥнөрүн саҥаттан көрөр кыахтаныахпыт. Хараҕы оҥотторон баран төлөпүөнү көрбөппүт, тэлэбиисэри тустаах бириэмэнэн эрэ көрөҕүн, сурук үлэтин бүтүннүү тохтотоҕун. Биир ый устата быраас анаабыт эрэсиимин барытын тутуһуллуохтаах эбит. Төҥкөҥнүүр, ыараханы көтөҕөр бобуллар. Бэҕэһээ оҥоһуллубут уҥа харахпын аспыттара, билигин кыра туманнаах ол эрэн гынан баран 3-4 күнүнэн ааһыаҕа диэбиттэрэ. Биллэн туран кэлэн үлэлии-хамсыы сылдьар үрүҥ халааттаах аанньалларбытыгар, улууспут хирургическай отделениетын сэбиэдиссэйигэр Василий Саввичка улахан махталбытын биллэрэбит.

Балыыһабыт үлэһиттэрэ олус үчүгэйдик утары кэлэннэр, бачча элбэх киһини кылгас кэм иһигэр көрдүлэр-иһиттилэр. Балыыһа повардарыгар туспа махталбытын тириэрдэбит, астара олус минньигэс, уруккуга тэҥнээтэххэ лаппа тупсубут.

Ити курдук өрөспүүбүлүкэтээҕи харах клиническэй балыыһатын офтальмолог быраастара улуустарынан маннык бэйэлэрэ кэлэн, көрөн-эмтээн, эпэрээссийэ оҥорон бараллара кыһалҕалаах дьоҥҥо олус наадалаах. Инникитин даҕаны харах быраастара улуустарга кэмиттэн кэмигэр кэлэн нэһилиэнньэни көрөллөрүгэр баҕарабыт уонна үрүҥ халааттаах аанньалларбытыгар махталбыт муҥура суох.

Сэмэн Жендринскэй. Ааптар хаартыскаҕа түһэриитэ

«Саҥа олох»



Читайте дальше

Юмор ЧП Спорт СВО Разное Отдых Мир Культ