Горнайга – Харысхал кинигэтинэн ааҕааччы конференцията

САХА СИРЭ. КУЛУН ТУТАР 30 КҮНЭ —  ULUS.MEDIA. Горнай улууһун Бэрдьигэстээх бөһүөлэгин П.Д. Аввакумов аатынан киин библиотекатыгар саха норуодунай суруйааччыта, Духуобунас академиятын академига, драматург, прозаик, документалист-суруйааччы, публицист, киинэ сценариһа, уопсастыбаннай деятель Баһылай Харысхал «Ааспыт кэм аартыктарынан» документальнай романынан ааҕааччы конференцията ыытылынна. Бу – Тааттаҕа, Хаҥаласка, Аммаҕа, Намҥа ыытыллыбыт ааҕааччы конференциятын бэһис түһүмэҕэ. Көҕүлээччилэр – «Чолбон» сурунаал уонна Баһылай Харысхал доҕотторо.

«Үрдүкү кылаастаах кинигэ» – бу Россия Суруналыыстарын сойууһун чилиэнэ, Чыпчаал Баһылай диэн аатынан Саха сиригэр киэҥник биллибит кырдьаҕас суруналыыс Василий Алексеев сыанабыла. Кини эт илиитинэн тутан-хабан үгүс кинигэни оҥорбут киһи быһыытынан, кинигэ полиграфиятын, таҥыллыытын кэрэхсээбитин биллэрдэ уонна айымньы таарыйар темата киэҥин, дириҥин бэлиэтээтэ.

Кинигэ тула санаа атастаһыытыгар улуус кииниттэн эрэ буолбакка Солоҕонтон, Кировскайтан кэлэн кытыннылар. Ол иһигэр Солоҕонтон ааттаан кэлбит, Баһылай Харысхал устудьуон сылларын доҕоро, Россия Суруйааччыларын сойууһун чилиэнэ, поэт Александр Тарасов кини суруйааччы быһыытынан үүнэн тахсыытыгар үөлээннээҕэ улаханнык сабыдыаллаабытын билиннэ.

Маны сэргэ кырдьаҕас суруналыыс Руслан Платонов, РФ үөрэҕириитин туйгуна Фекла Евлева, культура ветераннара Елизавета Семенова уонна Татьяна Иванова айымньы туһунан санааларын үллэһиннилэр. Кинилэр ырытыыларын сиһилии «Чолбон» сурунаал ыам ыйынааҕы нүөмэриттэн ааҕыаххыт.

Көҕүлээччилэр ааттарыттан Өлүөнэ өрүс холбоһуктаах пароходствотын дириэктэрин сүбэтин бэрэссэдээтэлэ Афанасий Владимиров ааҕааччы конференциятын кыттыылаахтарыгар махтанан туран: «Бу бэһис түһүмэх кэннэ түмүктүүр тэрээһин Дьокуускай куоракка ыытыллыаҕа. Телевидение, араадьыйа нөҥүө сылдьыбыт улуустарбыт бэрэстэбиитэллэрин ыҥыран анал биэриилэри бэлэмниэхпит», – диэн иһитиннэрдэ. Итиэннэ, Баһылай Харысхал кэргэнэ Галина Васильевна төрөөбүт нэһилиэгин Кировскай библиотекатыгар «Ааспыт кэм аартыктарынан» кинигэ бүтэһик экземплярдарыттан биирдэстэрин бэлэхтээтэ.

Ил Дархан сүбэһитэ Георгий Никонов Баһылай Харысхал саҕаласпыт «Улуу айаннар суолларынан» бырайыак үлэтин-хамнаһын уонна итинник ааттаах история хайысхалаах документальнай киинэни билиһиннэрдэ.

Түмүктээн эттэххэ, документальнай роман кырата суох ахсаанынан – икки тыһыынча тираһынан тахсан атыыга бүтэ охсубут уонна тыа сирин үгүс ааҕааччытыгар өссө да тиийэ илик эбит. Онон сылдьыбыт улуустарбыт ааҕааччылары кинигэни хантан булуохха сөбүн ыйыталаһаллар уонна хос бэчээттииргэ туруорсаллар. Бу «Ааспыт кэм аартыктарынан» кинигэни бар дьон ылыммытын, кэрэхсээбитин уонна таптаабытын сибикитэ диир оруннаах.

Саха сирин Суруйааччыларын сойууһун пресс-киинэ


Читайте нас в:

Горнайга – Харысхал кинигэтинэн ааҕааччы конференцията

САХА СИРЭ. КУЛУН ТУТАР 30 КҮНЭ —  ULUS.MEDIA. Горнай улууһун Бэрдьигэстээх бөһүөлэгин П.Д. Аввакумов аатынан киин библиотекатыгар саха норуодунай суруйааччыта, Духуобунас академиятын академига, драматург, прозаик, документалист-суруйааччы, публицист, киинэ сценариһа, уопсастыбаннай деятель Баһылай Харысхал «Ааспыт кэм аартыктарынан» документальнай романынан ааҕааччы конференцията ыытылынна. Бу – Тааттаҕа, Хаҥаласка, Аммаҕа, Намҥа ыытыллыбыт ааҕааччы конференциятын бэһис түһүмэҕэ. Көҕүлээччилэр – «Чолбон» сурунаал уонна Баһылай Харысхал доҕотторо.

«Үрдүкү кылаастаах кинигэ» – бу Россия Суруналыыстарын сойууһун чилиэнэ, Чыпчаал Баһылай диэн аатынан Саха сиригэр киэҥник биллибит кырдьаҕас суруналыыс Василий Алексеев сыанабыла. Кини эт илиитинэн тутан-хабан үгүс кинигэни оҥорбут киһи быһыытынан, кинигэ полиграфиятын, таҥыллыытын кэрэхсээбитин биллэрдэ уонна айымньы таарыйар темата киэҥин, дириҥин бэлиэтээтэ.

Кинигэ тула санаа атастаһыытыгар улуус кииниттэн эрэ буолбакка Солоҕонтон, Кировскайтан кэлэн кытыннылар. Ол иһигэр Солоҕонтон ааттаан кэлбит, Баһылай Харысхал устудьуон сылларын доҕоро, Россия Суруйааччыларын сойууһун чилиэнэ, поэт Александр Тарасов кини суруйааччы быһыытынан үүнэн тахсыытыгар үөлээннээҕэ улаханнык сабыдыаллаабытын билиннэ.

Маны сэргэ кырдьаҕас суруналыыс Руслан Платонов, РФ үөрэҕириитин туйгуна Фекла Евлева, культура ветераннара Елизавета Семенова уонна Татьяна Иванова айымньы туһунан санааларын үллэһиннилэр. Кинилэр ырытыыларын сиһилии «Чолбон» сурунаал ыам ыйынааҕы нүөмэриттэн ааҕыаххыт.

Көҕүлээччилэр ааттарыттан Өлүөнэ өрүс холбоһуктаах пароходствотын дириэктэрин сүбэтин бэрэссэдээтэлэ Афанасий Владимиров ааҕааччы конференциятын кыттыылаахтарыгар махтанан туран: «Бу бэһис түһүмэх кэннэ түмүктүүр тэрээһин Дьокуускай куоракка ыытыллыаҕа. Телевидение, араадьыйа нөҥүө сылдьыбыт улуустарбыт бэрэстэбиитэллэрин ыҥыран анал биэриилэри бэлэмниэхпит», – диэн иһитиннэрдэ. Итиэннэ, Баһылай Харысхал кэргэнэ Галина Васильевна төрөөбүт нэһилиэгин Кировскай библиотекатыгар «Ааспыт кэм аартыктарынан» кинигэ бүтэһик экземплярдарыттан биирдэстэрин бэлэхтээтэ.

Ил Дархан сүбэһитэ Георгий Никонов Баһылай Харысхал саҕаласпыт «Улуу айаннар суолларынан» бырайыак үлэтин-хамнаһын уонна итинник ааттаах история хайысхалаах документальнай киинэни билиһиннэрдэ.

Түмүктээн эттэххэ, документальнай роман кырата суох ахсаанынан – икки тыһыынча тираһынан тахсан атыыга бүтэ охсубут уонна тыа сирин үгүс ааҕааччытыгар өссө да тиийэ илик эбит. Онон сылдьыбыт улуустарбыт ааҕааччылары кинигэни хантан булуохха сөбүн ыйыталаһаллар уонна хос бэчээттииргэ туруорсаллар. Бу «Ааспыт кэм аартыктарынан» кинигэни бар дьон ылыммытын, кэрэхсээбитин уонна таптаабытын сибикитэ диир оруннаах.

Саха сирин Суруйааччыларын сойууһун пресс-киинэ



Читайте дальше

Юмор ЧП Спорт СВО Отдых Обо всём Мир Культ