САХА СИРЭ. КУЛУН ТУТАР 29 КҮНЭ —  ULUS.MEDIA. Үөһээ Бүлүүтээҕи М.Т.Егоров аатынан 2№-дээх оскуола агрохайысхалаах буолан араас ыытыллар тэрээһиннэргэ ситиһиилээхтик кыттар. Оҕолор улуус эрэ буолбакка, республика уонна Россия таһымнаах күрэхтэргэ, тэрээһиннэргэ көхтөөхтүк кыттан ситиһии кынаттаах кэлэллэр.

Үгэскэ кубулуйбут Чугуновскайдыы ааҕыыларга быйыл эмиэ элбэх оҕо кыттыыны ылла. Быйылгы сыл уратыта — тэрээһин Бүлүү улууһун Бороҕон нэһилиэгэр буолла.

Ол туһунан санаатын бөлөх салайааччыта Любомира Тихонова маннык үллэһиннэ: “Сарсыарда 6 чаастан хоҥнон 9-ка Бороҕоҥҥо тиийбиппитигэр, олохтоохтор алаадьылаах көрүстүлэр. Ааҕыылар аһыллыыта олус тэрээһиннээхтик ааспыта. Николай Иванович Афанасьев, Бороҕон оскуолатыгар өр кэмҥэ үлэлээбит норуодунай учуутал, видеонан эҕэрдэ тыл эппитэ. А.В.Чугунов 85 сааһыгар аналлаах, агрооскуола тэриллибитэ 35 сылынан анаан улахан тэрээһин буолла. Хас да секция үлэлээтэ, олортон растениеводствоҕа элбэх үлэ киирбит этэ”.

Бу ааҕыыларга 17 оҕо кыттыбытыттан 11 оҕо ситиһиилээх кэллэ:

Кононов Самуил, 3-с степенннээх диплом (Слюгрова С.Т.)

Дмитриева Айлара, 2-с степеннээх диплом (Мойтохонова В.М.)

Семенов Коля, 1 степеннээх диплом (Тихонова Л.А., Лазарева Ч.А.)

Долгунова Самаана, 2-с степеннээх диплом (Осорова Л.А.)

Тарасова Каролина, 1 степеннээх диплом (Дмитриева Е.Д.)

Егорова Наташа, 3-с степеннээх диплом (Алексеева У.В.)

Егоров Айтал, 2-с степеннээх диплом (Егоров А.П.)

Алексеева Куннэй, 2-с степеннээх диплом (Михайлова Е.В.)

Мачахов Артур, 1 степеннээх диплом (Тотонова Г.П.)

Семенова Надя, 2-с степеннээх диплом ( Сергеева Ж.А., Шонг М.К.)

Евсеева Саргы, 1 степеннээх диплом (Слепцова О.Н.)

Инникитин да оҕолорбутугар ситиһиилэри баҕарабыт.

                “Сыккыс” пресс-киин