Мукучу түөлбэлэрэ спартакиада бастакы түһүмэҕэр бастыҥы быһаарыстылар

САХА СИРЭ. КЭБЭЭЙИ УЛУУҺА. Кулун тутар 22 күнэ — ULUS.MEDIA. Бүгүн «Дайан» сынньалаҥ киинигэр «Кубок Мукучу» спартакиада үөрүүлээх арыллыыта буолла. Бу тэрээһин Сахабыт Өрөспүүбүлүкэтигэр Үлэ сылын чэрчитинэн түөлбэлэр икки ардыларыгар ыытылынна.

Спартакиада саҕаламмытынан Мукучу нэһилиэгин баһылыга Николай Левин күрэх кыттыылаахтарын эҕэрдэлээтэ, ким бэлэмнээх кыайдын, ситиһии сиэтиилээх, үөрүү үктэллээх буолуҥ диэн баҕарда.

Бастакы түһүмэххэ — хабылык, хаамыска көрүҥэр уопсайа 6 түөлбэ кытынна. Күрэҕи Саха төрүт оонньууларын көрүҥнэригэр оҕо спорт оскуолатын остуол оонньууларыгар уһуйааччыта Саргылана Иванова, Мукучу гимназиятын физкультураҕа учуутала Анна Кычкина, «Кэнчээри» уһуйаан иитээччитэ Лилия Сидорова судьуйалаатылар.

Хаамыскаҕа 50-тан үөһээ саастаахтарга III миэстэни Василий Кычкин, II миэстэни Вилена Борисова, I миэстэни Мария Саввинова ыллылар.

Хабылыкка III миэстэ Дмитрий Сивцев, II миэстэ Василий Кычкин, I миэстэ Вилена Борисова буоллулар.

Онтон 14-20 саастарыгар диэри икки көрүҥ /хаамыска, хабылык/ түмүгүнэн III миэстэни Айтал Степанов, II миэстэни Толя Афанасьев, I миэстэни Динара Кычкина ыллылар.

Уопсай түмүккэ III миэстэни «Сарыал» түөлбэ, салайааччы Анна Саввинова түөлбэтэ ылан, боруонса мэтээли түөһүгэр кэттэ. II үрдэлгэ «Кэскил» түөлбэ, салайааччы Светлана Соломонова түөлбэтэ тахсан, үрүҥ көмүс мэтээли кэттэ. Муҥутуур кыайыылаах «Эрэл» түөлбэ, салайааччы Клементина Каримова түөлбэтэ буолан, күн уотугар күлүмүрдүү оонньуур кыһыл көмүс мэтээли кэттэ.

«Кубок Мукучу» түөлбэлэр икки ардыларыгар ыытыллыбыт спартакиада кыайыылаахтара боруонса, үрүҥ, кыһыл көмүс мэтээллэри кэтэн, үөрүү-көтүү кынаттаах аныгыскы, муус устар ыйга буолар иккис түһүмэххэ бэлэмнэнэр санаалаах тарҕастылар. Бу курдук күрэхтэр биир тыынынан тэриллэн, нэһилиэк дьонун сомоҕолуу, саха төрүт оонньууларын көҕүлүү турдуннар.

Вера Прокопьева, Мукучу


Читайте нас в:

Мукучу түөлбэлэрэ спартакиада бастакы түһүмэҕэр бастыҥы быһаарыстылар

САХА СИРЭ. КЭБЭЭЙИ УЛУУҺА. Кулун тутар 22 күнэ — ULUS.MEDIA. Бүгүн «Дайан» сынньалаҥ киинигэр «Кубок Мукучу» спартакиада үөрүүлээх арыллыыта буолла. Бу тэрээһин Сахабыт Өрөспүүбүлүкэтигэр Үлэ сылын чэрчитинэн түөлбэлэр икки ардыларыгар ыытылынна.

Спартакиада саҕаламмытынан Мукучу нэһилиэгин баһылыга Николай Левин күрэх кыттыылаахтарын эҕэрдэлээтэ, ким бэлэмнээх кыайдын, ситиһии сиэтиилээх, үөрүү үктэллээх буолуҥ диэн баҕарда.

Бастакы түһүмэххэ — хабылык, хаамыска көрүҥэр уопсайа 6 түөлбэ кытынна. Күрэҕи Саха төрүт оонньууларын көрүҥнэригэр оҕо спорт оскуолатын остуол оонньууларыгар уһуйааччыта Саргылана Иванова, Мукучу гимназиятын физкультураҕа учуутала Анна Кычкина, «Кэнчээри» уһуйаан иитээччитэ Лилия Сидорова судьуйалаатылар.

Хаамыскаҕа 50-тан үөһээ саастаахтарга III миэстэни Василий Кычкин, II миэстэни Вилена Борисова, I миэстэни Мария Саввинова ыллылар.

Хабылыкка III миэстэ Дмитрий Сивцев, II миэстэ Василий Кычкин, I миэстэ Вилена Борисова буоллулар.

Онтон 14-20 саастарыгар диэри икки көрүҥ /хаамыска, хабылык/ түмүгүнэн III миэстэни Айтал Степанов, II миэстэни Толя Афанасьев, I миэстэни Динара Кычкина ыллылар.

Уопсай түмүккэ III миэстэни «Сарыал» түөлбэ, салайааччы Анна Саввинова түөлбэтэ ылан, боруонса мэтээли түөһүгэр кэттэ. II үрдэлгэ «Кэскил» түөлбэ, салайааччы Светлана Соломонова түөлбэтэ тахсан, үрүҥ көмүс мэтээли кэттэ. Муҥутуур кыайыылаах «Эрэл» түөлбэ, салайааччы Клементина Каримова түөлбэтэ буолан, күн уотугар күлүмүрдүү оонньуур кыһыл көмүс мэтээли кэттэ.

«Кубок Мукучу» түөлбэлэр икки ардыларыгар ыытыллыбыт спартакиада кыайыылаахтара боруонса, үрүҥ, кыһыл көмүс мэтээллэри кэтэн, үөрүү-көтүү кынаттаах аныгыскы, муус устар ыйга буолар иккис түһүмэххэ бэлэмнэнэр санаалаах тарҕастылар. Бу курдук күрэхтэр биир тыынынан тэриллэн, нэһилиэк дьонун сомоҕолуу, саха төрүт оонньууларын көҕүлүү турдуннар.

Вера Прокопьева, Мукучу



Читайте дальше

Юмор ЧП Спорт СВО Разное Отдых Мир Культ