Айсен Николаев Саха сирин олохтоохторун Сылгыһыт күнүнэн эҕэрдэлиир

САХА СИРЭ. Кулун тутар 21 күнэ — ULUS.MEDIA. Бүгүн өрөспүүбүлүкэҕэ сылгы ахсаана 182 тыһыынчаны куоһаран, Саха сирэ Россия эрэгийиэннэригэр бастаан иһэр. Бу – сылгыны үөрдээн иитээччилэр өрөспүүбүлүкэбит араас муннуктарыгар ыраах сытар мэччирэҥ сирдэри көдьүүстээхтик туһаныыны хааччыйар сыралаах үлэлэрин түмүгэ, диэн Саха Өрөспүүбүлүкэтин Ил Дархана Айсен Николаев бэйэтин эҕэрдэтигэр эттэ.

Өрөспүүбүлүкэ салалтатын уонна тус бэйэм ааппыттан Саха сиригэр Сылгыны үөрдээн иитээччи күнүнэн эҕэрдэлиибин!

Быйыл ураты тымныы кыһын ааста, онуоха идэтийбит сылгыһыттардаах буоламмыт, сыспай сиэллээхпит тыһыынчанан ахсааннаах үөрдэрэ бу томороон тымныы ыйдары этэҥҥэ туораатылар.

Саас кэлиитэ – сылгыны үөрдээн иитээччигэ үөрүүлээх да, эппиэтинэстээх да кэм. Төрүөҕү ааҕар, сыллааҕы үлэ түмүгүн таһаарар кэм. Кулун тутар – сахаҕа дириҥ суолталаах ый, аата да этэринии, кулун төрүүр кэмэ.

Саха ата – өрөспүүбүлүкэ баайа, киэн туттуута. Ааспыт сылга Өймөкөөн чулуу сылгыһыттара Россия 17 эрэгийиэнин уҥуордаан, барыта 11 тыһыынчаттан тахса килэмиэтирдээх сири атынан айаннаабыттара. Бу Саха АССР тэриллибитэ 100 сылыгар анаммыт айан тулуурдаах саха сылгытын аан дойдуга аатырдыбыта.

Өрөспүүбүлүкэ салалтата уонна бырабыыталыстыбата сылгыны үөрдээн иитиини сайыннарыыга улахан болҕомтону уураллар.

Быйыл Сылгыны үөрдээн иитээччи күнүгэр аналлаах тэрээһини Амма оройуонугар ыытыахпыт. Манна боруоданы ууһатар атыыр сылгы быыстапка-дьаарбаҥката уонна сылгыны үөрдээн иитээччилэр күрэхтэһиилэрэ эрэ буолбакка, өрөспүүбүлүкэ сылгыһыттара сылгыны үөрдээн иитии сайдыытын ырытар, быһаарсар төгүрүк остуоллара ыытыллыаҕа. Ааспыт сылга Амма улууһун тыа хаһаайыстыбатын оҥорон таһаарар кэпэрэтиибэ өрөспүүбүлүкэ боруода сүөһүтүн иитиитин устуоруйатыгар аан бастаан федеральнай статустаах сылгы собуота буолла.

Ытыктабыллаах сылгыны үөрдээн иитээччилэр! Бу үөрүүлээх күҥҥэ кыһамньылаах үлэҕит, өрөспүүбүлүкэ социальнай-экэнэмиичэскэй сайдыытыгар тус кылааккыт иһин махтанабын. Кытаанах доруобуйаны, дьолу-соргуну, дьиэ кэргэҥҥитигэр этэҥҥэ буолууну уонна сыралаах үлэҕитигэр өссө үрдүк ситиһиилэри баҕарабын! — диэн эҕэрдэтин ыытта Саха Өрөспүүбүлүкэтин Ил Дархана Айсен Николаев.


Читайте нас в:

Айсен Николаев Саха сирин олохтоохторун Сылгыһыт күнүнэн эҕэрдэлиир

САХА СИРЭ. Кулун тутар 21 күнэ — ULUS.MEDIA. Бүгүн өрөспүүбүлүкэҕэ сылгы ахсаана 182 тыһыынчаны куоһаран, Саха сирэ Россия эрэгийиэннэригэр бастаан иһэр. Бу – сылгыны үөрдээн иитээччилэр өрөспүүбүлүкэбит араас муннуктарыгар ыраах сытар мэччирэҥ сирдэри көдьүүстээхтик туһаныыны хааччыйар сыралаах үлэлэрин түмүгэ, диэн Саха Өрөспүүбүлүкэтин Ил Дархана Айсен Николаев бэйэтин эҕэрдэтигэр эттэ.

Өрөспүүбүлүкэ салалтатын уонна тус бэйэм ааппыттан Саха сиригэр Сылгыны үөрдээн иитээччи күнүнэн эҕэрдэлиибин!

Быйыл ураты тымныы кыһын ааста, онуоха идэтийбит сылгыһыттардаах буоламмыт, сыспай сиэллээхпит тыһыынчанан ахсааннаах үөрдэрэ бу томороон тымныы ыйдары этэҥҥэ туораатылар.

Саас кэлиитэ – сылгыны үөрдээн иитээччигэ үөрүүлээх да, эппиэтинэстээх да кэм. Төрүөҕү ааҕар, сыллааҕы үлэ түмүгүн таһаарар кэм. Кулун тутар – сахаҕа дириҥ суолталаах ый, аата да этэринии, кулун төрүүр кэмэ.

Саха ата – өрөспүүбүлүкэ баайа, киэн туттуута. Ааспыт сылга Өймөкөөн чулуу сылгыһыттара Россия 17 эрэгийиэнин уҥуордаан, барыта 11 тыһыынчаттан тахса килэмиэтирдээх сири атынан айаннаабыттара. Бу Саха АССР тэриллибитэ 100 сылыгар анаммыт айан тулуурдаах саха сылгытын аан дойдуга аатырдыбыта.

Өрөспүүбүлүкэ салалтата уонна бырабыыталыстыбата сылгыны үөрдээн иитиини сайыннарыыга улахан болҕомтону уураллар.

Быйыл Сылгыны үөрдээн иитээччи күнүгэр аналлаах тэрээһини Амма оройуонугар ыытыахпыт. Манна боруоданы ууһатар атыыр сылгы быыстапка-дьаарбаҥката уонна сылгыны үөрдээн иитээччилэр күрэхтэһиилэрэ эрэ буолбакка, өрөспүүбүлүкэ сылгыһыттара сылгыны үөрдээн иитии сайдыытын ырытар, быһаарсар төгүрүк остуоллара ыытыллыаҕа. Ааспыт сылга Амма улууһун тыа хаһаайыстыбатын оҥорон таһаарар кэпэрэтиибэ өрөспүүбүлүкэ боруода сүөһүтүн иитиитин устуоруйатыгар аан бастаан федеральнай статустаах сылгы собуота буолла.

Ытыктабыллаах сылгыны үөрдээн иитээччилэр! Бу үөрүүлээх күҥҥэ кыһамньылаах үлэҕит, өрөспүүбүлүкэ социальнай-экэнэмиичэскэй сайдыытыгар тус кылааккыт иһин махтанабын. Кытаанах доруобуйаны, дьолу-соргуну, дьиэ кэргэҥҥитигэр этэҥҥэ буолууну уонна сыралаах үлэҕитигэр өссө үрдүк ситиһиилэри баҕарабын! — диэн эҕэрдэтин ыытта Саха Өрөспүүбүлүкэтин Ил Дархана Айсен Николаев.



Читайте дальше

Юмор ЧП Спорт СВО Отдых Обо всём Мир Культ