Кэбээйи улууһун артыыстара «Дьээбэрэҥ-2023» күрэххэ ситиһиилэннилэр

САХА СИРЭ. Кулун тутар 20 күнэ — ULUS.MEDIA. Бүлүү улууһун Бороҕон нэһилиэгэр III төгүлүн ыытыллар «Дьээбэрэҥ-2023» аһаҕас көр-күлүү күрэҕэ «Түһүлгэ» сынньалаҥ киинигэр бэрт сэргэхтик буолан ааста.

Күрэх аата да этэринии, дьээбэни-хообону, көрү-нары көҕүлүттэн туппут, ырыа-тойук, үҥкүү-битии аргыстаах дьон кыттыыны ыла тоҕуоруһа муһунна. Ол курдук Бүлүү улууһуттан Бороҕон, Тыымпы, Бөтүҥ, Чинэкэ, Балаҕаччы, Кэбээйи улууһуттан Мастаах, Мукучу нэһилиэктэрин быары быһар бэтиэхэ бэртэрэ клоунаданы, чабырҕахтары, монологтары, араас хабааннаах сыаҥкалары, көрдөөх үҥкүүлэри көрдөрдүлэр.

Күрэҕи «Түһүлгэ» сынньалаҥ киин үлэһитэ Семён Фёдоров ыытта. Дьүүллүүр сүбэ үс киһиттэн састааптаах-учуутал идэлээх Матрёна Мальцева, библиотека сэбиэдиссэйэ Саргылана Каратаева, ону тэҥэ «Түһүлгэ» сынньалаҥ киин салайааччыта Анна Каратаева сыаналаатылар.

«Дьээбэрэҥ-2023» сыллаах аһаҕас күрэх түмүгүн сүбэ маннык сыаналаата:

III Үктэли Бороҕон нэһилиэгиттэн — Изабелла Каратаева, Надежда Мальцева, II Үктэли Балаҕаччыттан кэлбит — Ивановтар дьиэ кэргэттэрэ, I Үктэли Бөтүҥ нэһилиэгиттэн «Бэтиэхэлэр» коллектив ыллылар. Кэбээйи улууһун Мастаах нэһилиэгэ — III Үрдэл, Чинэкэ нэһилиэгэ — II Үрдэл, Кэбээйи улууһун Мукучу нэһилиэгиттэн «Дэриэбинэчээн» норуот театра — I Үрдэл буоллулар. Кылаан Чыпчаал аатын Балаҕаччыттан «Тэбэнэт» көр-күлүү театра ылла. Маны таһынан анал ааттар ананнылар: «Бастыҥ дьахтал оруола» — «Дэриэбинэчээн» норуот театрын артыыската Ирина Находкинаҕа, «Бастыҥ эр киһи оруола» — Бөтүҥ нэһилиэгиттэн Павел Петровка, «Уран тыл маастара» — Балаҕаччыттан Розалия Мандароваҕа, «Көрөөччү биһирэбилэ» — Бороҕон нэһилиэгиттэн Татьяна Увароваҕа, «Кэскиллээх бөлөх» — Мастаах орто оскуолатын кырачаан кыргыттарыгар тиксэн, үөрүүбүтүн үксэттэ. Ханна баҕар буоларын курдук, нэһилиэк бэйэтин дьонун өйөөн, олорор түөлбэлэриттэн кыттыбыт артыыстарыгар бэлэх туттартаата.

Биир тыынынан буолан ааспыт дьээбэ-хообо, бэтиэхэ күнүн Бороҕон нэһилиэгин «Түһүлгэ» сынньалаҥ киинин үлэһиттэрэ бэркэ тэрийэн ыыттылар, кэлбит коллективтар бука бары илии тутуурдаах, өттүк харалаах тарҕастылар. Бэлиэ күнү хаартыскаҕа түһэн үйэтиттилэр.

Ким көр-күлүү аргыстаах уһун үйэлээх, онтон бэтиэхэ доҕордоох ол дьоллоох! Көр-күлүү, дьээбэ-хообо күнэ биһиги эҥэр саҕаланнаҕа буоллун!

Вера Прокопьева, Мукучу


Читайте нас в:

Кэбээйи улууһун артыыстара «Дьээбэрэҥ-2023» күрэххэ ситиһиилэннилэр

САХА СИРЭ. Кулун тутар 20 күнэ — ULUS.MEDIA. Бүлүү улууһун Бороҕон нэһилиэгэр III төгүлүн ыытыллар «Дьээбэрэҥ-2023» аһаҕас көр-күлүү күрэҕэ «Түһүлгэ» сынньалаҥ киинигэр бэрт сэргэхтик буолан ааста.

Күрэх аата да этэринии, дьээбэни-хообону, көрү-нары көҕүлүттэн туппут, ырыа-тойук, үҥкүү-битии аргыстаах дьон кыттыыны ыла тоҕуоруһа муһунна. Ол курдук Бүлүү улууһуттан Бороҕон, Тыымпы, Бөтүҥ, Чинэкэ, Балаҕаччы, Кэбээйи улууһуттан Мастаах, Мукучу нэһилиэктэрин быары быһар бэтиэхэ бэртэрэ клоунаданы, чабырҕахтары, монологтары, араас хабааннаах сыаҥкалары, көрдөөх үҥкүүлэри көрдөрдүлэр.

Күрэҕи «Түһүлгэ» сынньалаҥ киин үлэһитэ Семён Фёдоров ыытта. Дьүүллүүр сүбэ үс киһиттэн састааптаах-учуутал идэлээх Матрёна Мальцева, библиотека сэбиэдиссэйэ Саргылана Каратаева, ону тэҥэ «Түһүлгэ» сынньалаҥ киин салайааччыта Анна Каратаева сыаналаатылар.

«Дьээбэрэҥ-2023» сыллаах аһаҕас күрэх түмүгүн сүбэ маннык сыаналаата:

III Үктэли Бороҕон нэһилиэгиттэн — Изабелла Каратаева, Надежда Мальцева, II Үктэли Балаҕаччыттан кэлбит — Ивановтар дьиэ кэргэттэрэ, I Үктэли Бөтүҥ нэһилиэгиттэн «Бэтиэхэлэр» коллектив ыллылар. Кэбээйи улууһун Мастаах нэһилиэгэ — III Үрдэл, Чинэкэ нэһилиэгэ — II Үрдэл, Кэбээйи улууһун Мукучу нэһилиэгиттэн «Дэриэбинэчээн» норуот театра — I Үрдэл буоллулар. Кылаан Чыпчаал аатын Балаҕаччыттан «Тэбэнэт» көр-күлүү театра ылла. Маны таһынан анал ааттар ананнылар: «Бастыҥ дьахтал оруола» — «Дэриэбинэчээн» норуот театрын артыыската Ирина Находкинаҕа, «Бастыҥ эр киһи оруола» — Бөтүҥ нэһилиэгиттэн Павел Петровка, «Уран тыл маастара» — Балаҕаччыттан Розалия Мандароваҕа, «Көрөөччү биһирэбилэ» — Бороҕон нэһилиэгиттэн Татьяна Увароваҕа, «Кэскиллээх бөлөх» — Мастаах орто оскуолатын кырачаан кыргыттарыгар тиксэн, үөрүүбүтүн үксэттэ. Ханна баҕар буоларын курдук, нэһилиэк бэйэтин дьонун өйөөн, олорор түөлбэлэриттэн кыттыбыт артыыстарыгар бэлэх туттартаата.

Биир тыынынан буолан ааспыт дьээбэ-хообо, бэтиэхэ күнүн Бороҕон нэһилиэгин «Түһүлгэ» сынньалаҥ киинин үлэһиттэрэ бэркэ тэрийэн ыыттылар, кэлбит коллективтар бука бары илии тутуурдаах, өттүк харалаах тарҕастылар. Бэлиэ күнү хаартыскаҕа түһэн үйэтиттилэр.

Ким көр-күлүү аргыстаах уһун үйэлээх, онтон бэтиэхэ доҕордоох ол дьоллоох! Көр-күлүү, дьээбэ-хообо күнэ биһиги эҥэр саҕаланнаҕа буоллун!

Вера Прокопьева, Мукучу



Читайте дальше

Юмор ЧП Спорт СВО Разное Отдых Мир Культ