— Мин ОДьКХ-ҕа 2003 сыллаахтан үлэлиибин, котельнайбыт убаҕас оттугунан үлэлиир эрдэҕинэ АЗС оператора этим. Билигин тырахтарыыстыыбын, 9 ыйы быһа тохтоло суох үс хочуолунайга таас чохторун киллэрэбин, бэлэмниибин уонна эбии дизелистиибин. Быйыл халлаан уһуннук тымныйда, уоппут Бороҕонтон кэлэр, элбэхтэ арахсыы тахсыталаата, уот барда да түүн-күнүс холбуубун, — диир 5 оҕолоох дьиэ кэргэн аҕата, туруу үлэһит Самсон Егорович.

«Самсон үлэтигэр чуолкай киһи, бу сүрэҕэ-бэлэһэ, биһиэхэ эмиэ көмөлөспүтэ, оҥорбута элбэх, уолум доҕоро, аны суолу-ииһи эмиэ кини дьаһайар, техникаҕа сыстаҕаһа, тыраахтары билэрэ, аҕатын Дьөгүөрү утумнаабыт», — диир нэһилиэк ытык кырдьаҕаһа Егор Орлов.

Маастара билинэринэн, Самсон Потапов уопуттаах, кыайыгас, хотуулаах үлэһитэ, учаастак слесарьдара ордук киниттэн сүбэлэтэллэр эбит. «Киэҥ көҕүстээх, холкумайгылаах, «ээх» диэтэ да, үлэтин бүтэрбитэ эрэ баар буолар», — диир салайааччыта Петр Матвеевич. Кини «Намкоммунтеплоэнерго» АО Көбөкөннөөҕү производственнай учаастагын үлэтин билиһиннэрэр. Сиһилии — видеоҕа.