САХА СИРЭ. Кулун тутар 15 күнэ — ULUS.MEDIA. Байыаннай операцияттан байыастар уоппускаларыгар дойдуларыгар кэлэн эрэллэр. Бу соторутааҕыта Сааскылаахха педагог идэлээх Снежанна кэргэнэ уоппуска ылан кэлбитин портка долгуйа көрсүбүтэ. Кэрэ сааскы бырааһынньыкка кинилэр дьиэ кэргэннэригэр үтүө бэлэҕинэн буолбута, икки оҕо ийэтэ Снежанна санаатын үллэһиннэ.

— Бу соторутааҕыта кэргэним байыаннай дьайыыттан уоппускатын ылан сынньана кэлбитэ. Ол курдук, алтынньы ыйга быстах хомуурунан ыҥырыллан Дьокуускайтан барбыта, ахсынньыттан ыла инники күөҥҥэ сылдьыбыт. Уоппускаларын алта ый буолан биэрдилэр. Бастаан Донецкайтан Москваҕа, Москваттан Дьокуускайга, онтон манна Сааскылаахха кэлбитэ. Куораттан 15 буолан кэлбиттэригэр үрдүкү салалтаттан бэрэстэбиитэллэр көрсүбүттэр, саха быһаҕын бэлэхтээбит этилэр. Онон, бу бырааһыннык күннэригэр биһиги дьиэ кэргэҥҥэ күүтүүлээх уонна олус үөрүүлээх бэлэҕинэн буолла.

Кэргэним байыаннай сорудахтарга сылдьааччыбыт, сороҕор дьуһуурнайдыыбыт, олус эрдэ хараҥарар дойду эбит диир. Сөхпүтүм диэн, барыта быраҕыллыбыт дэриэбинэлэр тураллар, онно уончака эмээхситтэр, оҕонньоттор олороллор. Аспытыгар сороҕор хал буоллахпытына, бэйэбит атыылаһан буһаран сиибит. Кыһыны быһа хаардаабакка туран баран, бу дьэ олунньу ортотугар дьэ хаардаата диир, ирдэҕинэ бырыы да бадараан буолар үһү. Саха сириттэн баһылыкпыт Эдуард Петровиһынан баһыылка ыыппытым, тиксэрбиттэр этэ. «Саллаатка сурук» акциянан аадырыстаан сурук ыыппыппыт. Онтутун туппакка кэлбит эрээри, ханна эрэ сытар диэн истибит. Этэрээттэригэр хата саха уолаттара бииргэ түбэһэн сылдьалларыттан үөрдүм. Манна сынньаныам, оскуолаҕа оҕолору көрсүөм, диир.

Гуннара Байгильдина