САХА СИРЭ. Кулун тутар 15 күнэ — ULUS.MEDIA. В.Г. Румянцев аатынан Бүлүүтээҕи оҕо спортивнай оскуолатын дириэктэрэ, оройуоннааҕы Сэбиэт дьокутаата Георгий Осипов дойду бэрэсидьиэнэ Владимир Путин ылыммыт быһаарыныытын өйүүр. Кини этэринэн, бу быһаарыныы норуот сырдык инникитин түстүүр суолталаах.
“Анал байыаннай дьайыы НАТО кыһыл линияларга чугаһаан, Арассыыйа кыраныыссатыгар ыга кэлэр кутталы үөскэппититтэн, дойдуну көмүскүүр сыалтан биллэриллибитэ. Украинаҕа 2014 сылтан саҕалаан антироссийскай көрүүлээх АХШ сабыдыалынан уонна үбүлээһининэн неонацизмы анаан-минээн үөскэпппиттэр”, — диир Георгий Дмитриевич.
Билигин саха дьоно дойду бэрэсидьиэнин уонна өрөспүүбүлүкэбит Ил Дарханын тула мустан, кинилэр бэлиитикэлэрин өйүөх-өйдүөх тустаахпыт диэн дьокутаат санаатын үллэстэр:
“Күн бүгүн анал байыаннай дьайыы бара турар сиригэр сылдьар байыастарбытын сөптөөх аммуницианан, аһынан-үөлүнэн көмөлөһүөхпүтүн наада. Кинилэр туохтара тиийбэтинэн, бэйэлэрэ көрдүүр наадаларын хомуйан биэриэхтээхпит уонна саамай сүрүнэ диэн – дьиэ кэргэттэригэр, оҕолоругар-урууларыгар күүс-көмө буолуохтаахпыт. Ити боппуруоска бэрэсидьиэн даҕаны, Ил Дархан даҕаны сөптөөх дьаһалы туруораннар үлэ барара биһигини үөрдэр”.
