Өлөөҥҥө IX эдэр ыччат Сугланын уонна табаһыттар сүлүөттэрин ыытарга бэлэмнэнэллэр

САХА СИРЭ. Кулун тутар 13 күнэ — ULUS.MEDIA. Ааспыт нэдиэлэҕэ Өлөөн сэлиэнньэтинээҕи А.С.Иванов аатынан «Илкит» этнокультурнай кииҥҥэ Өлөөн эбэҥки национальнай оройуонун дьаһалтатын баһылыга Лена Иванова салалтатынан бу дьыл кулун тутар ый 16-20 күннэригэр Өлөөн сэлиэнньэтигэр ыытыллар IX эдэр ыччат Сугланын, региональнай эдэр табаһыттар сүлүөттэрин уонна «Табаһыт — 2023» улуустааҕы бырааһынньыгы тэрийэр комитет киэҥ ыҥырыылаах мунньаҕа тэриллэн ыытылынна.

Тэрийэр комитет аатыттан сүрүн иһитиннэрииини оҥорбут оройуон дьаһалтатын баһылыга Лена Иванова бастатан туран оройуон олохтоохторугар үүммүт кулун утар ый 16-20 күннэригэр Өлөөн сиригэр-уотугар үс улахан таһымнаах, эппиэттээх тэрээһиннэри тэрийэн ыытар эппиэтинэс сүктэриллибитин билиһиннэрдэ.

Ол курдук, Саха Өрөспүүбүлүкэтин Хотугу аҕыйах ахсааннаах норуоттарын ыччатын IX-с Суглан бу дьыл кулун тутар 16-19 күннэригэр Өлөөн сэлиэнньэтигэр тэриллэн ыытылларын эттэ. Өрөспүүбүлүкэ 12 оройуонун Хотугу аҕыйах ахсааннаах норуоттарын чулуу бэрэстэбиитэллэрэ IX-с Сугулааҥҥа мустан түөрт күн устата эдэр ыччат хамсааһынын иннигэр турар боппуруостары дьүүллэһиэхтэрэ уонна спорт хотугу көрүҥнэригэр күрэс былдьаһыахтара. Маны кытта тэҥҥэ бу дьыл кулун тутар ый 18 күнүгэр Өлөөн өрүскэ эдэр табаһыттар сүлүөттэрэ анал бырагырааматынан ыытыллыа. Сүлүөт бырагырааматыгар эдэр табаһыттар «Туундара хаһаайына» хотугу многоборьеҕа 4 көрүҥҥэ күрэхтэрэ уонна эбэҥки норуотун култууратын көрдөрөр куонкурустар тэриллэн ыытыллыахтара.

Салгыы бу дьыл кулун тутар ый 19 күнүгэр Өлөөн өрүс «Муус куоратыгар» үлэ сылыгар анаммыт оройуон табаһыттарын 2023 сыллааҕы бырааһынньыга үөрүүлээхтик арыллыаҕа уонна киэҥ бырагыраамалаах спортивнай күрэхтэр, култуура тэрээһиннэрэ күнү быһа тэриллэн ыытыллара былааннанар.

Маны тэҥэ оройуон делегацията «Арктика: устойчивое развитие» Бүтүн Россиятааҕы форумҥа кыттыытын түмүгүнэн, бу дьыл кулун тутар ый 17-20 күннэригэр Өлөөн сэлиэнньэтигэр «Оленек-Москва» деловой кулууп кэлэн үлэлээн, оройуон инники сайдыытын боппуруостарын дьүүллэһии былааннанарын Лена Степановна билиһиннэрдэ.

Николай Стручков


Читайте нас в:

Өлөөҥҥө IX эдэр ыччат Сугланын уонна табаһыттар сүлүөттэрин ыытарга бэлэмнэнэллэр

САХА СИРЭ. Кулун тутар 13 күнэ — ULUS.MEDIA. Ааспыт нэдиэлэҕэ Өлөөн сэлиэнньэтинээҕи А.С.Иванов аатынан «Илкит» этнокультурнай кииҥҥэ Өлөөн эбэҥки национальнай оройуонун дьаһалтатын баһылыга Лена Иванова салалтатынан бу дьыл кулун тутар ый 16-20 күннэригэр Өлөөн сэлиэнньэтигэр ыытыллар IX эдэр ыччат Сугланын, региональнай эдэр табаһыттар сүлүөттэрин уонна «Табаһыт — 2023» улуустааҕы бырааһынньыгы тэрийэр комитет киэҥ ыҥырыылаах мунньаҕа тэриллэн ыытылынна.

Тэрийэр комитет аатыттан сүрүн иһитиннэрииини оҥорбут оройуон дьаһалтатын баһылыга Лена Иванова бастатан туран оройуон олохтоохторугар үүммүт кулун утар ый 16-20 күннэригэр Өлөөн сиригэр-уотугар үс улахан таһымнаах, эппиэттээх тэрээһиннэри тэрийэн ыытар эппиэтинэс сүктэриллибитин билиһиннэрдэ.

Ол курдук, Саха Өрөспүүбүлүкэтин Хотугу аҕыйах ахсааннаах норуоттарын ыччатын IX-с Суглан бу дьыл кулун тутар 16-19 күннэригэр Өлөөн сэлиэнньэтигэр тэриллэн ыытылларын эттэ. Өрөспүүбүлүкэ 12 оройуонун Хотугу аҕыйах ахсааннаах норуоттарын чулуу бэрэстэбиитэллэрэ IX-с Сугулааҥҥа мустан түөрт күн устата эдэр ыччат хамсааһынын иннигэр турар боппуруостары дьүүллэһиэхтэрэ уонна спорт хотугу көрүҥнэригэр күрэс былдьаһыахтара. Маны кытта тэҥҥэ бу дьыл кулун тутар ый 18 күнүгэр Өлөөн өрүскэ эдэр табаһыттар сүлүөттэрэ анал бырагырааматынан ыытыллыа. Сүлүөт бырагырааматыгар эдэр табаһыттар «Туундара хаһаайына» хотугу многоборьеҕа 4 көрүҥҥэ күрэхтэрэ уонна эбэҥки норуотун култууратын көрдөрөр куонкурустар тэриллэн ыытыллыахтара.

Салгыы бу дьыл кулун тутар ый 19 күнүгэр Өлөөн өрүс «Муус куоратыгар» үлэ сылыгар анаммыт оройуон табаһыттарын 2023 сыллааҕы бырааһынньыга үөрүүлээхтик арыллыаҕа уонна киэҥ бырагыраамалаах спортивнай күрэхтэр, култуура тэрээһиннэрэ күнү быһа тэриллэн ыытыллара былааннанар.

Маны тэҥэ оройуон делегацията «Арктика: устойчивое развитие» Бүтүн Россиятааҕы форумҥа кыттыытын түмүгүнэн, бу дьыл кулун тутар ый 17-20 күннэригэр Өлөөн сэлиэнньэтигэр «Оленек-Москва» деловой кулууп кэлэн үлэлээн, оройуон инники сайдыытын боппуруостарын дьүүллэһии былааннанарын Лена Степановна билиһиннэрдэ.

Николай Стручков



Читайте дальше

Юмор ЧП Спорт СВО Разное Отдых Мир Культ