Байыаннай операцияҕа сылдьар дьон дьиэ кэргэттэригэр Анаабыр улууһа үгүс өйөбүлү оҥорор

САХА СИРЭ. Кулун тутар 8 күнэ — ULUS.MEDIA. Аан дойду дьахталларын күнүн эрэ иннинэ Анаабыр улууһун баһылыгын бастакы солбуйааччыта Василий Поскачин байыаннай дьайыыга сылдьар байыастарбыт дьиэ кэргэттэрин кытта көрүстэ. Василий Григорьевич дойдуга буола турар байыаннай дьайыыттан кылгастык иһитиннэрдэ, барыларыгар тулхадыйбат тулуурдарыгар, бигэ эрэллэригэр махтанна, кинилэр билиҥҥи кэммит дьоруойдара буолалларын тоһоҕолоон бэлиэтээтэ уонна туох-ханнык кыһалҕалаахтарын ыйыталаста.

Маныаха ийэлэр, эбээлэр үгүстэрэ олорор дьиэлэрбит тымныылар, өрөмүөн үлэтэ ирдэнэр, саҥа чааһынай дьиэ туттуохпутун баҕарабыт, манна бырагырааманан туох-ханнык көмөлөр оҥоһуллуохтарай диэн ыйыттылар. Салгыы улуус баһылыгын социальнай боппуруостарга солбуйааччы Наталья Алексеевна Спиридонова уолаттарбытыгар улуустан ханнык социальнай көмөлөр оҥоһуллубуттарын, үп-харчы хомуллубутун сырдатта, сибээскэ суох буоллахтарына олус долгуйумаҥ, байыаннай сорудахха эбэтэр сибээс хаппат сиригэр сылдьыахтарын сөп диэтэ. Көрсүһүүгэ Им Снежанна Сусановна кэргэнэ бэҕэһээ дьахтар күнүгэр бэлэх курдук уоппускатын ылан дойдутугар сынньана кэлбитин этэн үөрүүтүн үллэһиннэ. Сотору кэминэн биһиги дьоммут кэлиэхтэрэ диэн барыларын сирэйдэрэ сырдаан эрэл кыыма саҕылынна.

Василий Григорьевич хас биирдиилэриттэн санааларын истэн баран, куораттан миэбэли, дьиэҕэ туттуллар малы-салы босхо тиэйэн аҕалтарыахпыт, аныгыскы нэдиэлэҕэ дьиэҕитин-уоккутун баран анаан-минээн көрүөхпүт диэн эрэннэрдэ. Көрсүһүү түмүгэр барыларыгар сааскы чаҕылхай бырааһынньык кэлбитинэн кэрэ сибэккини, минньигэс тортары улуус дьаһалтатын аатыттан туттардылар.

 

Гуннара Байгильдина


Читайте нас в:

Байыаннай операцияҕа сылдьар дьон дьиэ кэргэттэригэр Анаабыр улууһа үгүс өйөбүлү оҥорор

САХА СИРЭ. Кулун тутар 8 күнэ — ULUS.MEDIA. Аан дойду дьахталларын күнүн эрэ иннинэ Анаабыр улууһун баһылыгын бастакы солбуйааччыта Василий Поскачин байыаннай дьайыыга сылдьар байыастарбыт дьиэ кэргэттэрин кытта көрүстэ. Василий Григорьевич дойдуга буола турар байыаннай дьайыыттан кылгастык иһитиннэрдэ, барыларыгар тулхадыйбат тулуурдарыгар, бигэ эрэллэригэр махтанна, кинилэр билиҥҥи кэммит дьоруойдара буолалларын тоһоҕолоон бэлиэтээтэ уонна туох-ханнык кыһалҕалаахтарын ыйыталаста.

Маныаха ийэлэр, эбээлэр үгүстэрэ олорор дьиэлэрбит тымныылар, өрөмүөн үлэтэ ирдэнэр, саҥа чааһынай дьиэ туттуохпутун баҕарабыт, манна бырагырааманан туох-ханнык көмөлөр оҥоһуллуохтарай диэн ыйыттылар. Салгыы улуус баһылыгын социальнай боппуруостарга солбуйааччы Наталья Алексеевна Спиридонова уолаттарбытыгар улуустан ханнык социальнай көмөлөр оҥоһуллубуттарын, үп-харчы хомуллубутун сырдатта, сибээскэ суох буоллахтарына олус долгуйумаҥ, байыаннай сорудахха эбэтэр сибээс хаппат сиригэр сылдьыахтарын сөп диэтэ. Көрсүһүүгэ Им Снежанна Сусановна кэргэнэ бэҕэһээ дьахтар күнүгэр бэлэх курдук уоппускатын ылан дойдутугар сынньана кэлбитин этэн үөрүүтүн үллэһиннэ. Сотору кэминэн биһиги дьоммут кэлиэхтэрэ диэн барыларын сирэйдэрэ сырдаан эрэл кыыма саҕылынна.

Василий Григорьевич хас биирдиилэриттэн санааларын истэн баран, куораттан миэбэли, дьиэҕэ туттуллар малы-салы босхо тиэйэн аҕалтарыахпыт, аныгыскы нэдиэлэҕэ дьиэҕитин-уоккутун баран анаан-минээн көрүөхпүт диэн эрэннэрдэ. Көрсүһүү түмүгэр барыларыгар сааскы чаҕылхай бырааһынньык кэлбитинэн кэрэ сибэккини, минньигэс тортары улуус дьаһалтатын аатыттан туттардылар.

 

Гуннара Байгильдина



Читайте дальше

Юмор ЧП Спорт СВО Разное Отдых Мир Культ