Олоҥхо театра «Хардааччы Бэргэн» испэктээги Дьокуускайга сүрэхтиэҕэ

САХА СИРЭ. Кулун тутар 7 күнэ — ULUS.MEDIA. Олоҥхо театрын артыыстара Андрей Титаров «Хардааччы Бэргэн» диэн олоҥхотун кулун тутар 17, 19 күннэригэр Саха тыйаатырын сыанатыгар сүрэхтиэхтэрэ. Режиссер Павел Колесов туруорбут испэктээгэ эрдэ Үөһээ Бүлүүгэ Олоҥхо ыһыаҕар оонньоммута. Өрөспүүбүлүкэ киин куоратыгар бастакытын көстөр.

Тыыннаах доҕуһуол, итиэннэ рок муусука тэҥҥэ силбэһиитэ испэктээк уратыта буолар. Күпсүүр, барабаан тыаһыгар «Чолбон» рок-бөлөх ырыалара эбиллэн оонньууну киэргэтиэхтэрэ. Сүрүн оруоллары Гаврил Менкяров, Анастасия Алексеева толоруохтара.