САХА СИРЭ. ДЬОКУУСКАЙ. КУЛУН ТУТАР 7 КҮНЭ — ULUS.MEDIA. «Далбар Хотун» сурунаалы аны куйаар ситимигэр ааҕыахха сөп. dalbar.ru диэн саҥа саайт кулун тутар 7 күнүттэн үлэтин саҕалаата. 

Саҥа саайтка «Ийэ тыл сүмэтэ», «Чөмчөкө», «Далбар олбох», «Айар кут», «Тиһэх сонун», «Сандалы» диэн рубрикалар наарданан киирдилэр. Ону тэҥэ интернет-былаһааккаҕа араас кэмнэрдээх суруйуулары, матырыйааллары булан ааҕыахха сөп. Инникитин тустаах ресурска урукку нүөмэрдэри тиһэр былааннаахтар.

Маны таһынан, саҥа куйаар сирэйгэ үгэскэ кубулуйбут «Далбар Хотун» өрөспүүбүлүкэтээҕи күрэх интерактивнай быһыылаахтык ыытыллыаҕа. Өссө бу саайт нөҥүө ааҕааччылар сурунаалга онлайн сурутар кыахтаннылар.

Саха сирин народнай поэта, «Далбар Хотун» сурунаал бастакы бас эрэдээктэрэ Наталья Харлампьева саҥа саайт ааҕааччы санаатын аһаҕастык тиэрдэр, ааптары, оҥорон таһаарааччыны кытта кэпсэтэр былаһаакката буолуо этэ диэн баҕа санаатын тиэртэ.

Саайт сүрэхтэниитин видеоҕа көр.