САХА СИРЭ. ДЬОКУУСКАЙ. КУЛУН ТУТАР 1 КҮНЭ — ULUS.MEDIA. Ыраах Муома улууһугар Сааһыыр бөһүөлэгин оскуолатыгар үйэтин сааһын тухары эбии үөрэхтээһин педагогунан үлэлээбит 74 саастаах Зоя Слепцова Дьокуускай куоракка эмтэнэ кэлэ сылдьар эбит. Кини Бэчээт дьиэтигэр сылдьан, «Чолбон» сурунаалга суруттарда.
“»Хотугу сулус» сурунаалы өр кэмҥэ кэргэмминээн ааҕар этибит. Онтон сүтэрэн кэбистибит”, — диэн үллэһиннэ уопуттаах учуутал. Ахтан-суохтаан анаан-минээн сурунаалбытын суруттара киирбит Бэчээт дьиэтигэр. Таптыыр сурунаалыгар сурутан, Зоя Федоровна үөрэн-көтөн барда.
Педагог «Эбээн фольклорун тарҕатыы» программанан айымньылаахтык үлэлээбит, «Һоҥачан» («Тугутчаан») диэн оҕолорго ансаамблы салайан үлэлэппит эбит.
Күн – сири, «Чолбон» – Саха сирин сырдатар!
