САХА СИРЭ. ДЬОКУУСКАЙ. Олунньу 21 күнэ.  Саҥа кинигэ “Сүр күүһэ” уонна “Сильные духом” диэн икки тылынан таҥыллан тахсыбыт. Ааптар Людмила Ноговицына бэлиэтииринэн, бу таһаарыы – кини хас да сыллаах сыралаах үлэтин түмүгэ. Кинигэҕэ 20 ураты олохтоох, тус-туһунан кэпсээннээх, уустук дьылҕалаах дьон устуоруйалара түмүллэн киирдэ. Суруналыыс кинилэри кытта кэпсэтэн, дьон дууһатын таарыйар истиҥ сэһэргэһиилэри ааҕааччыга анаан сааһылаабыт.

Кинигэ күн бүгүн Саха Национальнай библиотекатыгар сүрэхтэннэ. 200 устуука экземпляр тахсыбытыттан 40 устуукатын Людмила Ноговицына госпитальга сытар саха буойуттарыгар ыытар былааннааҕын үллэһиннэ. Саҥа кинигэҕэ герой быһыытынан киирбит дьон үөрүүлээх тэрээһиҥҥэ кэлэн ааптарга махтал тылларын анаатылар.

Сиһилии – биһиги видеобытыгар!