Соторутааҕыта Горнай улууһун Солоҕон нэһилиэгин олохтоохторун кытта “Сахабэчээт” иһинэн 33 улууһу хабан үлэлиир Ulus.Media редакция үлэһиттэрэ кэлэн көрсөн, киэҥ ис хоһоонноох билсиһиини тэрийэн бардылар.

Ол курдук, кылаабынай редактор солбуйааччыта Туйара Кокорева, SMM бөлөх специалиһа Зинаида Григорьева, видеограф Эвелина Попова.

Киэҥ үлэлээх-хамнастаах, барыта эдэр дьонтон сүүмэрдэнэн тэриллибит, сүрүннээн эдэр кыргыттар үлэлиир бөлөхтөрүн туһунан Зинаида Михайловна астынан, аһыллан кэпсээтэ. Элбэх дьон ыйытыыларыгар эппиэттээтилэр.

Редакторы солбуйааччы Туйара Дмитриевна “Сахабэчээт” таһаарбыт хаһыаттарын, сурунаалларын хас биирдии сылдьыбыт киһиэхэ бэлэхтээтэ.

Дьаһалта специалиһа М.Ю. Павлова, библиотекарынан өр сылларга үлэлээн пенсияҕа олорор В.В. Стручкова, олохтоох оскуола иитэр үлэҕэ завуһа, наставнига С.К. Алексеева о.д.а. саҥа үйэ саҥа үлэһиттэригэр ситиһиилээх, айымньылаах үлэни баҕардылар, истиҥ иһирэх тыллары эттилэр.

Александр Тарасов, Солоҕон нэһилиэгин Бочуоттаах олохтооҕо