Сылын аайы ыытыллар Ил Дархан туһаайыытын үөрэх үлэһиттэрэ күүтэбит уонна үөрэххэ сыһыаннааҕы куруук сэргии истэбит.
Ахсынньытааҕы Ил Дархан Ил Түмэҥҥэ туhаайыытыгар дойду үрдүнэн кэлэр 2023 сыл педагог-настаабынньык сылынан биллэрилибитэ. Онно анаан 36 педагог-настаабынньыкка 100 тыh. солкуобайдаах бириэмийэни олохтуурун иhитиннэрдэ.
Улууспут иhинэн cылын ахсын «Учитель года» куонкуруhу ыытабыт. Ол курдук кэлэр сылга «Учитель года» куонкуруhу истимнээн балаhыанньа ылынан, төрөпүттэри, үөрэнээччилэри хабан, хамыыhыйа тэрийэн, биир бастыҥ учууталы талыахтаахпыт.
Маны таһынан эдэр учууталларга идэлэригэр бэриниилээх (мотивированнай) буолалларыгар улахан болҕомто ууруллуохтааҕын бэлиэтээбитэ биhигини үөртэ.
