Төрөөбүт сирбит сайдыытыгар ууруллар соруктар — хас биирдиибит интэриэспит

Бүгүн, ахсынньы 19 күнүгэр, Ил Дархан Айсен Николаев бэһис төгүлүн Анал этиитин СӨ Ил Түмэҥҥэ, Бырабыыталыстыбаҕа, муниципальнай тэриллиилэргэ, бар дьонугар иһитиннэрдэ. Ил Дархан Ил Түмэҥҥэ туһаайан этиитигэр өрөспүүбүлүкэ социальнай-экэнэмиичэскэй сайдыытын чугастааҕы уонна уһун болдьохтоох кэскиллэргэ туһуламмыт стратегическай хайысхаларын сырдатта.

2-с Дьөппөн орто оскуолатын дириэктэрэ Дарья Скрябина Ил Дархан Анал этиитин туһунан санаатын үллэһиннэ:

— Быйылгы туһаайыы, буоларын курдук, олох бары эйгэтин хабан, өрөспүүбүлүкэ социальнай-экэнэмиичэскэй көрдөрүүлэринэн инники күөҥҥэ тахсар кыаҕын ситиһэргэ туһуламмыт. Айсен Сергеевич Саха сирин олохтоохторо көрсөр кыһалҕаларын барытын таарыйда уонна арылхайдык быһаарда. Өрөспүүбүлүкэбитигэр үөрэхтээһиҥҥэ сылтан сыл улахан болҕомто уурулларын бэлиэтиэ этим. Ол курдук, быйыл сайын «Үөрэҕирии ситимин саҥардыы» программа чэрчитинэн оскуолабыт тутуллуоҕуттан саҥардыы хапытаалынай өрөмүөн үлэтэ уонна материальнай — техническай хааччыллыы буолла. Маныаха аҥардас өрөмүөҥҥэ 34282474 солк. үп көрүллүбүтэ. Бу барыта үөрэх хаачыстыбата үрдүүрүгэр, оҕо чиҥ билиини ыларыгар сөптөөх усулуобуйа тэриллэригэр болҕомто ууруллара сүрдээх махталлаах дьыала буолар. Ону тэҥэ, оскуолабыт 125 сыллаах үбүлүөйүн көрсө, кэмигэр көрүллүбүт көмөҕө махтанабыт. Үүнэр сылга Айсен Николаев өрөспүүбүлүкэҕэ эбии 57 оскуола өрөмүөннэниллиэ, 19 оскуола, 6 оҕо саада тутуллуо диэтэ. Ону сэргэ 2023 сылга педагог-настаабынньыкка уопсастыба иннигэр өҥөлөрүн билинии бэлиэтин быһыытынан, Саха Сирин баһылыгын 100 тыһ. солк. бириэмийэ туттарылларын сэргии иһиттибит. Хас биирдии киһиэхэ дьоло — инники көлүөнэ сайдыылаах, кэлэр кэмҥэ эрэллээх буолара!


Читайте нас в:

Төрөөбүт сирбит сайдыытыгар ууруллар соруктар — хас биирдиибит интэриэспит

Бүгүн, ахсынньы 19 күнүгэр, Ил Дархан Айсен Николаев бэһис төгүлүн Анал этиитин СӨ Ил Түмэҥҥэ, Бырабыыталыстыбаҕа, муниципальнай тэриллиилэргэ, бар дьонугар иһитиннэрдэ. Ил Дархан Ил Түмэҥҥэ туһаайан этиитигэр өрөспүүбүлүкэ социальнай-экэнэмиичэскэй сайдыытын чугастааҕы уонна уһун болдьохтоох кэскиллэргэ туһуламмыт стратегическай хайысхаларын сырдатта.

2-с Дьөппөн орто оскуолатын дириэктэрэ Дарья Скрябина Ил Дархан Анал этиитин туһунан санаатын үллэһиннэ:

— Быйылгы туһаайыы, буоларын курдук, олох бары эйгэтин хабан, өрөспүүбүлүкэ социальнай-экэнэмиичэскэй көрдөрүүлэринэн инники күөҥҥэ тахсар кыаҕын ситиһэргэ туһуламмыт. Айсен Сергеевич Саха сирин олохтоохторо көрсөр кыһалҕаларын барытын таарыйда уонна арылхайдык быһаарда. Өрөспүүбүлүкэбитигэр үөрэхтээһиҥҥэ сылтан сыл улахан болҕомто уурулларын бэлиэтиэ этим. Ол курдук, быйыл сайын «Үөрэҕирии ситимин саҥардыы» программа чэрчитинэн оскуолабыт тутуллуоҕуттан саҥардыы хапытаалынай өрөмүөн үлэтэ уонна материальнай — техническай хааччыллыы буолла. Маныаха аҥардас өрөмүөҥҥэ 34282474 солк. үп көрүллүбүтэ. Бу барыта үөрэх хаачыстыбата үрдүүрүгэр, оҕо чиҥ билиини ыларыгар сөптөөх усулуобуйа тэриллэригэр болҕомто ууруллара сүрдээх махталлаах дьыала буолар. Ону тэҥэ, оскуолабыт 125 сыллаах үбүлүөйүн көрсө, кэмигэр көрүллүбүт көмөҕө махтанабыт. Үүнэр сылга Айсен Николаев өрөспүүбүлүкэҕэ эбии 57 оскуола өрөмүөннэниллиэ, 19 оскуола, 6 оҕо саада тутуллуо диэтэ. Ону сэргэ 2023 сылга педагог-настаабынньыкка уопсастыба иннигэр өҥөлөрүн билинии бэлиэтин быһыытынан, Саха Сирин баһылыгын 100 тыһ. солк. бириэмийэ туттарылларын сэргии иһиттибит. Хас биирдии киһиэхэ дьоло — инники көлүөнэ сайдыылаах, кэлэр кэмҥэ эрэллээх буолара!



Юмор ЧП Спорт СВО Разное Отдых Мир Культ