СӨ Национальнай библиотекатын «Саха сирин кэскилин туһунан 100 интервью» бырайыагар саха поэта, публициһа, «Чолбон» литературнай сурунаал сүрүн редактора Гаврил Андросов санааларын үллэстэр:
«Мин көрүүбэр, олоҥхо сөптөөхтүк сайыннаҕына, саха олоҕор, култууратыгар ураты миэстэни ылыаҕа. Инникитин олоҥхо эйгэтэ өссө кэҥиэҕэ, аныгы ньымаларынан дьоҥҥо-сэргэҕэ, оҕоҕо, ыччакка тиэрдиллэр, ордук чугас буолуоҕа. Түҥ былыргы үгэһин, уратытын сүтэрбэккэ илдьэ сылдьар буолуоҕа, аан дойду барыта билинэр хайысхата буолуо диэн эрэнэбин.
Олоҥхо – саха өйүн-санаатын, култууратын, духуобунаһын, этнографиятын, историятын барытын илдьэ сылдьар матрица. Ол матрицаны биһиги төһө дириҥник хасыһан үөрэтэбит да, оччонон норуот быһыытынан тыыннаах хааларбыт, көмүскэллээх буоларбыт, сайдарбыт барыта ону кытта ситимнээх».
Сиһилии истиҥ подкаһы:
